БЦС
Компанијата БЦС е основана во 1992 година од поранешните вработени во македонското претставништво на ЕЛ БУЛЛ ХН (EL BULL HN). Во тоа време, основната дејност на БЦС беше инсталирање на Ханивел Бул мејнфрејм системи (Honeywell/Bull mainframe systems). Во 1994 година, БЦС покрај одржувањето на хардверот ги прошири своите услуги преку нудење картични решенија и производи на компанијата Датакард Груп (Datacard Group). БЦС стана фирма со најголема инсталирана база на мејнфрејм компјутери и првата ИТ компанија во Македонија која ги инсталира првите системи за кодирање и ембосирање на картички, банкомати и системи за прифаќање на картички. Првичниот пакет услуги, управуван од одличниот тим на високо обучени компјутерски експерти, ја квалификуваа компанијата за влез во списанието за Топ 100 најуспешни компании. Пет години по ред, БЦС беше рангирана како една од Топ 100-те најуспешни компании во Македонија.
Веднаш по ова признание, во 2000 година БЦС стартуваше со нова голема програма за проширување. Преку партнерствата со БУЛ (BULL), НЕК (NEC), ОЛИВЕТИ (OLIVETTI), АВГ (AVG), ГИГАТМС (GIGATMS), МАЈКРОСОФТ (MICROSOFT) МОКСА (MOXA), нашите корисници имаат придобивки од најновите достигнувања во технологијата и го добиваат највисокото ниво на поддршка. Со добивање на ISO 9001:2008 Системот за управување со квалитет во 2002 година, БЦС ја покажа својата посветеност кон достигнувањето на врвна услуга.
Денес БЦС нуди највисок квалитет на ИТ решенија и производи од повеќе производители. Обезбедува хардверски и софтверски услуги, вклучувајќи инсталирање и конфигурирање, одржување, телефонска техничка помош, далечински надзор и консултации, а вклучува и широк спектар на организации и институции, како на пример: општини, универзитети, факултети, невладини организации, производители, мали, средни и големи претпријатија. Ние градиме и одржуваме силни врски со нашите корисници и добавувачи во рамките на пазарите на кои ги нудиме нашите услуги. Нашите најголеми корицници се големите финансиски и владини институции, малите, средните и големите претпријатија. Со развивањето на нивните бизниси, голем број на наши корисници направија аутсорсинг на нивните ИТ потреби и се потпреа врз БЦС како одговорен бизнис партнер. Нашата цел е да сте фокусирани кон вашата основна бизнис дејност и да дозволите БЦС да се грижи за Вашата ИТ инфраструктурата. Без разлика на големината на Вашата ИТ инфраструктура, нашите обучени, квалификувани и искусни ИТ професионалци може да создадат соодветни решенија кои ќе одговаарат на Вашите потреби и буџетот.
БЦС се истакнува на пазарот со врвната услуга , флексибилноста, деловната вредност како и желбата за успех на нашиот корисник. Ние сме успешни поради градењето на довербата, почитта и соработката со нашите корисници, соработници и продажни партнери.
Новости
Поголем глобален пробив на македонскиот ИКТ сектор
МАСИТ на средба со МНР Стопанската Комора за информатички и комуникациски технологии МАСИТ започнува ново поглавје и партнерство со Министерството за надворешни работи на Република Северна Македонија. Ова партнерство има за цел да овозможи поинтензивна и конструктивна поддршка на македонскиот ИКТ сектор. Соработката е насочена кон унапредување на меѓународната видливост на домашниот ИКТ сектор, создавање услови за отворање нови извозни пазари и подобро позиционирање на македонските компании во глобалната економија. Преку заеднички активности, учество на значајни меѓународни саеми, конференции и бизнис форуми, како и преку воспоставување нови канали за поврзување со македонската дијаспора и странските инвеститори, се очекува да се создадат реални можности за раст и развој на компаниите членки на МАСИТ. Во рамките на оваа соработка, планирани се организирање на бизнис делегации и директни средби со потенцијални партнери во странство, подготвка на современи промотивни материјали, како и активности за отворање претставништва на македонски ИКТ компании на стратешки пазари. Дополнително, ќе се развиваат иницијативи за трансфер на знаење и технологии кои ќе придонесат кон подигнување на капацитетите на домашните компании. Претседателот на МАСИТ, г. Јордан Димитровски, напомена дека Комората стратешки се насочува кон долгорочна поддршка и меѓународен пробив на компаниите од оваа индустрија, со јасна цел да создаде услови за одржлив раст и излез на нови пазари преку партнерства и стратешки иницијативи. Министерот за надворешни работи, г. Тимчо Муцунски, потенцираше дека Министерството целосно стои на располагање за реализација на сите идни активности и иницијативи кои ќе овозможат унапредување на конкурентноста на македонските ИКТ компании и нивно поефикасно позиционирање на глобалниот пазар. Преку ова партнерство, МАСИТ ја зајакнува својата улога како активен партнер и поддржувач на компаниите членки во процесот на нивна интернационализација и активен придонес кон посилно позиционирање на Република Северна Македонија на светската ИКТ мапа.
07. 07. 2025г.
Средба со Министерот за дигитална трансформација
Поставени заеднички приоритети Управниот одбор на МАСИТ реализираше продуктивна средба со Министерот за дигитална трансформација, г. Стефан Андоновски. Средбата беше одлична можност за продлабочување на соработката помеѓу министерството и комората,
22. 06. 2025г.
МАСИТ одржа стручна работилница на тема „ИКТ, Регулатива и Човечки Капитал“
Во организација на Стопанската комора за информатички и комуникациски технологии – МАСИТ, на 28 мај се одржа специјализирана работна средба на тема „ИКТ, Регулатива и Човечки Капитал“, со фокус на клучните предизвици со кои се соочува ИКТ секторот во однос на регулативата, човечкиот капитал и технолошките промени.
30. 05. 2025г.
