„ИКТ, Регулатива и Човечки Капитал“
Работни односи во ИКТ секторот: легислатива, технолошки предизвици и менаџирање со вработените
МАСИТ организира специјализирана работна средба посветена на актуелните предизвици поврзани со примената на Законот за работни односи (ЗРО) во ИКТ индустријата. Настанот ќе се одржи во просториите на нашиот патрон партнер Халкбанк – Дирекција 2, каде што ќе се отвори продуктивна дискусија со релевантни претставници од институции, универзитетски професори и бизнис заедницата.
Клучни цели на средбата се:
- Анализа на практичната примена на ЗРО во контекст на ИКТ индустријата;
- Отворање на дијалог за дилемите околу флуктуацијата на работните позиции, како резултат на автоматизација и вештачка интелигенција;
- Споделување добри практики за дигитализирани HR процеси;
- Иницирање дискусија за потребата од секторски пристап во регулирањето на работните односи во ИКТ.
Програмата опфаќа:
- Панел дискусии со претставници од Владата, правни експерти, универзитетски професори, HR професионалци и ИКТ компании;
- Дискусија во однос на најрелевантните членови од ЗРО кои го засегаат ИКТ секторот;
- Прашања околу договорни односи, работа од далечина, бонуси, политики за одмор;
- Правни аспекти поврзани со „технолошки вишок“ и употреба на AI во компании;
- Практични примери за дигитализирано HR работење;
- Заеднички предлог за иницијативи и можности поврзани со предлог – законски измени во контекст на ИКТ индустријата.
Очекуваме значајно учество од членките на МАСИТ, како и конструктивна размена на искуства и предлози за унапредување на регулативата во склад со реалноста на ИКТ пазарот на труд.
📍 Локација: Халк Банка – Дирекција 2 (влез кон Рамстор мол)
🗓️ Датум и време: 28.05.2025, 09:00 – 13:00 часот
⌛ Места се ограничени – регистрирацијата е отворена до 26ти мај 2025 или до пополнување на местата.
РЕГИСТРАЦИЈА
Настанот е поддржан од ХАЛКБАНК АД како Патрон партнер на МАСИТ и истиот е бесплатен за членките на Комората.
Новости
Новости
Поголем глобален пробив на македонскиот ИКТ сектор
МАСИТ на средба со МНР Стопанската Комора за информатички и комуникациски технологии МАСИТ започнува ново поглавје и партнерство со Министерството за надворешни работи на Република Северна Македонија. Ова партнерство има за цел да овозможи поинтензивна и конструктивна поддршка на македонскиот ИКТ сектор. Соработката е насочена кон унапредување на меѓународната видливост на домашниот ИКТ сектор, создавање услови за отворање нови извозни пазари и подобро позиционирање на македонските компании во глобалната економија. Преку заеднички активности, учество на значајни меѓународни саеми, конференции и бизнис форуми, како и преку воспоставување нови канали за поврзување со македонската дијаспора и странските инвеститори, се очекува да се создадат реални можности за раст и развој на компаниите членки на МАСИТ. Во рамките на оваа соработка, планирани се организирање на бизнис делегации и директни средби со потенцијални партнери во странство, подготвка на современи промотивни материјали, како и активности за отворање претставништва на македонски ИКТ компании на стратешки пазари. Дополнително, ќе се развиваат иницијативи за трансфер на знаење и технологии кои ќе придонесат кон подигнување на капацитетите на домашните компании. Претседателот на МАСИТ, г. Јордан Димитровски, напомена дека Комората стратешки се насочува кон долгорочна поддршка и меѓународен пробив на компаниите од оваа индустрија, со јасна цел да создаде услови за одржлив раст и излез на нови пазари преку партнерства и стратешки иницијативи. Министерот за надворешни работи, г. Тимчо Муцунски, потенцираше дека Министерството целосно стои на располагање за реализација на сите идни активности и иницијативи кои ќе овозможат унапредување на конкурентноста на македонските ИКТ компании и нивно поефикасно позиционирање на глобалниот пазар. Преку ова партнерство, МАСИТ ја зајакнува својата улога како активен партнер и поддржувач на компаниите членки во процесот на нивна интернационализација и активен придонес кон посилно позиционирање на Република Северна Македонија на светската ИКТ мапа.
07. 07. 2025г.
Средба со Министерот за дигитална трансформација
Поставени заеднички приоритети Управниот одбор на МАСИТ реализираше продуктивна средба со Министерот за дигитална трансформација, г. Стефан Андоновски. Средбата беше одлична можност за продлабочување на соработката помеѓу министерството и комората,
22. 06. 2025г.
МАСИТ одржа стручна работилница на тема „ИКТ, Регулатива и Човечки Капитал“
Во организација на Стопанската комора за информатички и комуникациски технологии – МАСИТ, на 28 мај се одржа специјализирана работна средба на тема „ИКТ, Регулатива и Човечки Капитал“, со фокус на клучните предизвици со кои се соочува ИКТ секторот во однос на регулативата, човечкиот капитал и технолошките промени.
30. 05. 2025г.
