МАСИТ го реализираше 19-тото Редовно Годишно Изборно Собрание
Избрано е ново раководство со мандат 2025 – 2028 година
Стопанската комора за информатички и комуникациски технологии МАСИТ – Скопје, на 08.05.2025 година, во х. Александар Палас, го одржа своето 19-то редовно годишно изборно Собрание, на кое беше избрано новото раководство на Комората со мандат 2025 – 2028 година.
На редовното Изборно Собрание беше избран нов Претседател на Собранието на МАСИТ, Илија Господинов, од компанијата Ендава, а воедно беа избрани и нови членови на Управниот Одбор, Надзорниот Одбор и Судот на честа на Комората.
Членови на Управен одбор на МАСИТ се:
- г. Јордан Димитровски, Аитоникс, Претседател на МАСИТ
- г. Благој Христов, Македонски Телеком,
- г. Драган Чепујноски, А1 Македонија
- г. Дамјан Манчевски, МАК-Систем
- г-а Софче Јовановска, Скеил фокус
- г-а Весна Иваноска, Киншифт Академи
- г-а Костандина Пареска Медарски, Валтек
- г. Филип Петровски, Дата мастерс
- г. Зоран Лазаревски, Ултра
Членови на Надзорен одбор на МАСИТ се:
- г. Горан Митев, Едусофт
- г. Миле Стоиловски, Брансис
- г-а Маријана Андриќ, Маранд
Членови на Суд на честа на МАСИТ се:
- г. Дашмир Истрефи, Хојотек
- г. Сашо Јовановски, Даталаб
- г-а Јана Дамевска, Инфиго
На конститутивната седница на Управниот одбор на МАСИТ, која се одржа на 15ти мај 2025 година, г. Јордан Димитровски, експерт за развој на бизнис, сопственик и генерален директор на компанијата „Аитоникс“ беше избран за Претседател на Управниот одбор на МАСИТ за мандатниот период 2025–2028. Компанијата Аитоникс е високо етаблирана и добро позната во ИКТ индустријата, а оваа година одбележува 25 години успешно работење во Македонија. Веруваме дека изборот на г. Димитровски носи нова енергија, фокус на конкретни резултати и посветеност на јакнењето на улогата на ИКТ секторот во националниот развој.
Во согласност со последните статутарни измени на МАСИТ, функцијата Претседател на Управниот одбор претставува и Претседател на Комората, вклучувајќи ја и улогата на официјален претставник на Комората пред институциите, партнерите и јавноста, што ја позиционира оваа функција како клучна во понатамошното водење и застапување на МАСИТ.
Очекуваме период исполнет со засилена соработка меѓу членовите, проактивна улога на Комората во креирање на политики и конкретни чекори во насока на дигитална трансформација и интернационализација на македонските ИКТ компании.
На новиот Претседател, г. Димитровски му честитаме и му посакуваме успешен, динамичен и инспиративен мандат!
Новости
Новости
Поголем глобален пробив на македонскиот ИКТ сектор
МАСИТ на средба со МНР Стопанската Комора за информатички и комуникациски технологии МАСИТ започнува ново поглавје и партнерство со Министерството за надворешни работи на Република Северна Македонија. Ова партнерство има за цел да овозможи поинтензивна и конструктивна поддршка на македонскиот ИКТ сектор. Соработката е насочена кон унапредување на меѓународната видливост на домашниот ИКТ сектор, создавање услови за отворање нови извозни пазари и подобро позиционирање на македонските компании во глобалната економија. Преку заеднички активности, учество на значајни меѓународни саеми, конференции и бизнис форуми, како и преку воспоставување нови канали за поврзување со македонската дијаспора и странските инвеститори, се очекува да се создадат реални можности за раст и развој на компаниите членки на МАСИТ. Во рамките на оваа соработка, планирани се организирање на бизнис делегации и директни средби со потенцијални партнери во странство, подготвка на современи промотивни материјали, како и активности за отворање претставништва на македонски ИКТ компании на стратешки пазари. Дополнително, ќе се развиваат иницијативи за трансфер на знаење и технологии кои ќе придонесат кон подигнување на капацитетите на домашните компании. Претседателот на МАСИТ, г. Јордан Димитровски, напомена дека Комората стратешки се насочува кон долгорочна поддршка и меѓународен пробив на компаниите од оваа индустрија, со јасна цел да создаде услови за одржлив раст и излез на нови пазари преку партнерства и стратешки иницијативи. Министерот за надворешни работи, г. Тимчо Муцунски, потенцираше дека Министерството целосно стои на располагање за реализација на сите идни активности и иницијативи кои ќе овозможат унапредување на конкурентноста на македонските ИКТ компании и нивно поефикасно позиционирање на глобалниот пазар. Преку ова партнерство, МАСИТ ја зајакнува својата улога како активен партнер и поддржувач на компаниите членки во процесот на нивна интернационализација и активен придонес кон посилно позиционирање на Република Северна Македонија на светската ИКТ мапа.
07. 07. 2025г.
Средба со Министерот за дигитална трансформација
Поставени заеднички приоритети Управниот одбор на МАСИТ реализираше продуктивна средба со Министерот за дигитална трансформација, г. Стефан Андоновски. Средбата беше одлична можност за продлабочување на соработката помеѓу министерството и комората,
22. 06. 2025г.
МАСИТ одржа стручна работилница на тема „ИКТ, Регулатива и Човечки Капитал“
Во организација на Стопанската комора за информатички и комуникациски технологии – МАСИТ, на 28 мај се одржа специјализирана работна средба на тема „ИКТ, Регулатива и Човечки Капитал“, со фокус на клучните предизвици со кои се соочува ИКТ секторот во однос на регулативата, човечкиот капитал и технолошките промени.
30. 05. 2025г.
