МАСИТ одржа стручна работилница на тема „ИКТ, Регулатива и Човечки Капитал“
Настанот обедини релевантни претставници од институциите, бизнис секторот и академската заедница. Во рамки на првата панел-дискусија учествуваа г. Ѓоко Велковски, заменик министер за социјална политика, демографија и млади, г. Лазар Јовевски, универзитетски професор и советник на Претседателот на Владата за труд и социјална политика, г. Младен Фрчковски, раководител на одделение за пазар на труд при Министерството за економија и труд, како и претседателот на МАСИТ, г. Јордан Димитровски, кој во своето обраќање до присутните и надлежните претставници од државните институции потенцираше дека комората останува гласен застапник на интересите на ИКТ индустријата и засилено ќе работи на креирање фер, предвидлива и современа регулаторна рамка која ќе ја поддржува дигиталната трансформација и развојот на човечкиот капитал како клучен ресурс на ИКТ секторот.
Правниот аспект на актуелната регулатива и предизвиците со кои се соочуваат ИКТ компаниите беа извонредно обработени од г. Јован Најденовски — адвокат и долгогодишен правен застапник на МАСИТ. Особено ни е драго што присутните имаа можност од прва рака да слушнат за комплексноста на секојдневните правни предизвици со кои се соочуваат ИКТ компаниите.
Своите професионални согледувања и практични искуства ги споделија и г-а Невена Мешко од Мак Систем, г-а Ана Заковска од ИТЛабс и г-а Дина Ивановиќ од Прохиад СЕЕ, секоја со значајна улога во делот на човечките ресурси, работните односи и правната регулатива во рамки на своите компании.
Дискусијата беше дополнета со вредни перспективи и од други сектори, благодарение на г-а Кристина Спироска од Халкбанк, г. Славко Саздовски од Триглав Осигурување Живот и г. Дејан Павлески од Семос, кои ги споделија своите практични искуства од банкарскиот и осигурителниот сектор.
Меѓу клучните теми што беа отворени се најдоа примената на Законот за работни односи во контекст на флексибилни форми на работа, правните и практични последици од автоматизацијата и вештачката интелигенција, дигитализацијата на HR процесите и потребата од нови интерни регулативи поврзани со работа од дома и од странство, односно работа од далечина.
Во завршниот дел беа издвоени конкретни заклучоци и препораки за понатамошно дејствување. Како еден од клучните резултати од настанот произлезе иницијативата за формирање работна група при МАСИТ која ќе работи на предлог измени и дополнувања на ЗРО во согласност со специфичностите на ИКТ индустријата. Дополнително, беше предложено организирање тематски тркалезни маси со вклучување на сите релевантни чинители – институции, компании и експерти – со цел усогласување на регулативата со современите услови и потреби.
Настанот се реализираше во просториите на Халкбанк, патрон партнер на МАСИТ, чија поддршка и гостопримство беа од особено значење за успешната реализација на оваа средба.
МАСИТ останува посветен на унапредувањето на деловното опкружување за ИКТ компаниите, како и на застапување на интересите на индустријата во процесот на носење и прилагодување на законската рамка. Со соработка, стручност и интегриран пристап, МАСИТ ќе продолжи да го води дијалогот за подобро утре на ИКТ секторот во Македонија.
Новости
Новости
Поголем глобален пробив на македонскиот ИКТ сектор
МАСИТ на средба со МНР Стопанската Комора за информатички и комуникациски технологии МАСИТ започнува ново поглавје и партнерство со Министерството за надворешни работи на Република Северна Македонија. Ова партнерство има за цел да овозможи поинтензивна и конструктивна поддршка на македонскиот ИКТ сектор. Соработката е насочена кон унапредување на меѓународната видливост на домашниот ИКТ сектор, создавање услови за отворање нови извозни пазари и подобро позиционирање на македонските компании во глобалната економија. Преку заеднички активности, учество на значајни меѓународни саеми, конференции и бизнис форуми, како и преку воспоставување нови канали за поврзување со македонската дијаспора и странските инвеститори, се очекува да се создадат реални можности за раст и развој на компаниите членки на МАСИТ. Во рамките на оваа соработка, планирани се организирање на бизнис делегации и директни средби со потенцијални партнери во странство, подготвка на современи промотивни материјали, како и активности за отворање претставништва на македонски ИКТ компании на стратешки пазари. Дополнително, ќе се развиваат иницијативи за трансфер на знаење и технологии кои ќе придонесат кон подигнување на капацитетите на домашните компании. Претседателот на МАСИТ, г. Јордан Димитровски, напомена дека Комората стратешки се насочува кон долгорочна поддршка и меѓународен пробив на компаниите од оваа индустрија, со јасна цел да создаде услови за одржлив раст и излез на нови пазари преку партнерства и стратешки иницијативи. Министерот за надворешни работи, г. Тимчо Муцунски, потенцираше дека Министерството целосно стои на располагање за реализација на сите идни активности и иницијативи кои ќе овозможат унапредување на конкурентноста на македонските ИКТ компании и нивно поефикасно позиционирање на глобалниот пазар. Преку ова партнерство, МАСИТ ја зајакнува својата улога како активен партнер и поддржувач на компаниите членки во процесот на нивна интернационализација и активен придонес кон посилно позиционирање на Република Северна Македонија на светската ИКТ мапа.
07. 07. 2025г.
Средба со Министерот за дигитална трансформација
Поставени заеднички приоритети Управниот одбор на МАСИТ реализираше продуктивна средба со Министерот за дигитална трансформација, г. Стефан Андоновски. Средбата беше одлична можност за продлабочување на соработката помеѓу министерството и комората,
22. 06. 2025г.
МАСИТ одржа стручна работилница на тема „ИКТ, Регулатива и Човечки Капитал“
Во организација на Стопанската комора за информатички и комуникациски технологии – МАСИТ, на 28 мај се одржа специјализирана работна средба на тема „ИКТ, Регулатива и Човечки Капитал“, со фокус на клучните предизвици со кои се соочува ИКТ секторот во однос на регулативата, човечкиот капитал и технолошките промени.
30. 05. 2025г.
