ОДЛОЖЕНО: Прослава по повод јубилеј 25 години МАСИТ
Проект за подигнување на свеста за потребата од заштита на правата од индустриска сопственост и воспоставување на иницијална правна помош во комората
Оваа година, Стопанската комора за информатички и комуникациски технологии – МАСИТ одбележува значаен јубилеј – 25 години постоење и активно делување во насока на развој на информатичко-комуникациската технологија (ИКТ) во Македонија. Четвртина век посветена на поддршка на компаниите, градење партнерства и создавање нови можности во индустријата која е двигател на модерната економија.
МАСИТ – столб на ИКТ секторот во Македонија
Основана во 2000 година, МАСИТ прерасна во клучна организација што ги обединува ИКТ компаниите во земјата и претставува нивен глас пред јавните институции, меѓународните организации и деловните партнери. Со повеќе од 100 членки, Комората активно работи на создавање подобра деловна клима, поттикнување иновации и олеснување на дигиталната трансформација во сите сектори.
Во изминатите 25 години, МАСИТ постигна значајни резултати преку:
✔ Застапување на интересите на ИКТ компаниите – учество во креирање политики, законски рамки и стратешки иницијативи за унапредување на дигиталната економија.
✔ Промоција и интернационализација на домашните компании – организирање бизнис-мисии, учество на меѓународни саеми и поврзување со глобалните технолошки лидери.
✔ Развој на таленти и вештини во ИКТ индустријата – поддршка на образовните институции, иницијативи за преквалификација и програми за младите кадри во ИТ секторот.
✔ Поттикнување на дигиталната трансформација во економијата – поддршка на домашните компании во усвојување нови технологии и дигитални решенија.
Јубилеј што го славиме заедно
Годинава, овој значаен јубилеј ќе биде одбележан со низа активности, меѓу кои и свечена прослава по завршувањето на Годишното Собрание на МАСИТ. Настанот ќе биде можност за рефлексија на изминатите успеси, но и за разговори за идните предизвици и визијата за развој на македонската ИКТ индустрија.
МАСИТ останува посветен на својата мисија – да биде главен двигател на дигиталната економија, да ги поддржува компаниите во растот и да создава мостови меѓу индустријата, образованието и државните институции.
Со нетрпение очекуваме да ги продолжиме заедничките успеси и во наредните 25 години! 🎉
Станете патрон партнер
Новости
Новости
Поголем глобален пробив на македонскиот ИКТ сектор
МАСИТ на средба со МНР Стопанската Комора за информатички и комуникациски технологии МАСИТ започнува ново поглавје и партнерство со Министерството за надворешни работи на Република Северна Македонија. Ова партнерство има за цел да овозможи поинтензивна и конструктивна поддршка на македонскиот ИКТ сектор. Соработката е насочена кон унапредување на меѓународната видливост на домашниот ИКТ сектор, создавање услови за отворање нови извозни пазари и подобро позиционирање на македонските компании во глобалната економија. Преку заеднички активности, учество на значајни меѓународни саеми, конференции и бизнис форуми, како и преку воспоставување нови канали за поврзување со македонската дијаспора и странските инвеститори, се очекува да се создадат реални можности за раст и развој на компаниите членки на МАСИТ. Во рамките на оваа соработка, планирани се организирање на бизнис делегации и директни средби со потенцијални партнери во странство, подготвка на современи промотивни материјали, како и активности за отворање претставништва на македонски ИКТ компании на стратешки пазари. Дополнително, ќе се развиваат иницијативи за трансфер на знаење и технологии кои ќе придонесат кон подигнување на капацитетите на домашните компании. Претседателот на МАСИТ, г. Јордан Димитровски, напомена дека Комората стратешки се насочува кон долгорочна поддршка и меѓународен пробив на компаниите од оваа индустрија, со јасна цел да создаде услови за одржлив раст и излез на нови пазари преку партнерства и стратешки иницијативи. Министерот за надворешни работи, г. Тимчо Муцунски, потенцираше дека Министерството целосно стои на располагање за реализација на сите идни активности и иницијативи кои ќе овозможат унапредување на конкурентноста на македонските ИКТ компании и нивно поефикасно позиционирање на глобалниот пазар. Преку ова партнерство, МАСИТ ја зајакнува својата улога како активен партнер и поддржувач на компаниите членки во процесот на нивна интернационализација и активен придонес кон посилно позиционирање на Република Северна Македонија на светската ИКТ мапа.
07. 07. 2025г.
Средба со Министерот за дигитална трансформација
Поставени заеднички приоритети Управниот одбор на МАСИТ реализираше продуктивна средба со Министерот за дигитална трансформација, г. Стефан Андоновски. Средбата беше одлична можност за продлабочување на соработката помеѓу министерството и комората,
22. 06. 2025г.
МАСИТ одржа стручна работилница на тема „ИКТ, Регулатива и Човечки Капитал“
Во организација на Стопанската комора за информатички и комуникациски технологии – МАСИТ, на 28 мај се одржа специјализирана работна средба на тема „ИКТ, Регулатива и Човечки Капитал“, со фокус на клучните предизвици со кои се соочува ИКТ секторот во однос на регулативата, човечкиот капитал и технолошките промени.
30. 05. 2025г.
