Задоволство ни е да Ви го претставиме вториот билтен од нашиот проект: Патека за дигитализација, кој дава преглед на некои главни моменти и активности во текот на второто тромесечие од проектот и отворените повици за поддршка на компаниите корисници. За проектот „Патека за дигитазација“ : Проектот „Патека за дигитазација“ го спроведува конзорциум составен од МАСИТ (Северна Македонија) во партнерство со СТИКК (Косово) и ИКТ Нет (Србија) финансирани од Проектот за економски развој, управување и раст на претпријатијата на УСАИД. Главната цел на овој проект е поддршка на малите и средни претпријатија од таргетираните сектори (свежо и преработено овошје и зеленчук, облека и текстил, преработка на дрво и туризам) од Северна Македонија, Косово и Србија во своите активности за: Подобро разбирање и запознавање со придобивките од дигиталната трансформација Анализирање на нивното моментално ниво на дигитална транформација и креирање стратегии за дигитална трансформација со идентификување на приоритетите за потребните ИТ решенија Финансиска поддршка во процесот на набавка и спроведување на ИТ решенија со цел да ги подобрат нивните деловни активности. Билтенот е достапен на англиски јазик и можете да го симнете подоле. Превземи PDF

Платформата за поврзување млади професионалци од сферата на дигитални вештини со работодавачи CareerHUB продолжува да создава успешни приказни во сферата на дигиталните вештини. Секојдневно активно се врши регистрација на компании и на кандидати, бројка која достигна до 24 компании и 80 кандидати кои бесплатно ги користат поволностите на оваа платформа. Истата е изработена во рамки на проектот МладиХаб – Дигитална Младина, финансиран од Британската Амбасада, а имплементиран од Националниот Младински Совет на Македонија, во партнерство со Стопанската комора за информатички и комуникациски технологии – МАСИТ која има за цел да овозможи поврзување на млади талентирани професионалци кои поседуваат дигитални вештини со работодавачи кои имаат потреба од ангажирање на соработници со полно или скратено работно време, хонорарен ангажман, практиканство или волонтирање.  Компаниите преку оваа платформа можат да:  Креираат профил на компанијата и да постават оглас за работа Добиваат апликации од кандидати на објавените огласи Пребаруваат кандидати по категории Ги разгледаат профилите на кандидатите и да остварат контакт со нив Апликантите од друга страна, имаат можност да: Kреираат бесплатен профил во кој ќе ги наведат сите своите знаења и способности, Имаат непречен пристап до активните огласи Во секое време аплицираат на оглас за работа, хонорарен ангажман, практиканство или волонтирање. За регистрација и за повеќе информации посетете го следниот линк. Извор: Бизнис Регулатива  

Славиме и одбележуваме 20 годишен јубилеј на МАСИТ. 20 години, МАСИТ е глас и ресурс на конкурентната ИКТ индустрија. 20 години, МАСИТ ја поддржува и ја унапредува македонската ИКТ индустрија. 20 години, МАСИТ работи на препознатливоста, имиџот и репутацијата на ИКТ индустријата. По повод јубилејот, снимивме видео со вработените во МАСИТ, генерацијата која го одбележува овој голем и значаен јубилеј. Погледнете го видеото во прилог https://youtu.be/snLV0CyZJuk По повод, одбележувањето на 20 годишниот јубилеј од постоењето на МАСИТ, ги поканивме сите Претседатели на МАСИТ низ годините, кои од поблиску ни го дадоа нивното размислување, ги споделија нивните искуства и ни пренесоа за тоа – како е да се биде Претседател на МАСИТ, што претставува МАСИТ за нив, што го прави МАСИТ посебен како комора, како и кои се нивните очекувања во иднина за МАСИТ. Сите овие ценети Претседатели и лидери на МАСИТ, се исклучителни луѓе, професионалци, сопственици, менаџери на ИКТ компании во Македонија, кои дале свој личен придонес, активност, посветеност, анганжман, експертиза, храброст и достојност да бидат на чело на Комората и допринеле за раст и развој, со цел МАСИТ да претставува тоа што е денес. Погледнете го видеото во прилог https://youtu.be/uFciPKJiBpM

Чест ни е и задоволство да ве известиме дека во месец декември прославивме јубилеј од 20 години од постоењето на Стопанската комора за информатички и комуникациски технологии – МАСИТ. Веќе две децении, МАСИТ успешно ја исполнува улогата која му е доверена, да ги промовира и застапува бизнис интересите на ИКТ компаниите со цел унапредување и развој на ИКТ индустријата и бизнис опкружувањето. Како резултат на посветеноста кон нашата цел и визија, ни претставува посебно задоволство да ве информираме дека, пролжуваме со промотивниот датум да понудиме специјална јубилејна понуда, со која Ве покануваме Вас и вашата компанија да се приклучите кон семејството на МАСИТ кое во моментов брои 98 компании членки и тоа: започнувајќи од денес, заклучно до 31ви јануари 2021 година, нудиме продолжување промо пакетот, зачленување за сите компании кои сакаат да се зачленат, без плаќање на таксата за зачленување, која чини 240 евра +18% ДДВ како еднократен издаток Како компанија, членка на МАСИТ имате можност за пристап до информации, едукација, правни совети, соработка, вмрежување и промоција на домашно, регионално и меѓународно ниво, се со цел унапредување и развој на ИКТ индустријата.  Се надеваме дека МАСИТ претставува вистинско решение за Вашите потреби, и заеднички ќе придонесеме за ваши поголеми успеси и достигнувања, бидејќи визијата на МАСИТ  е да овозможи раст на македонскиот ИКТ бизнис, негова препознатливост и имиџ, како во земјата така и во странство, како и унапредување на македонската економија и просперитет со посилна, поорганизирана и прогресивна ИКТ индустрија. Сите дополнителни информации околу зачленувањето и потребните документи за зачленување можете да ги најдете на следниот линк. За сите дополнителни информации, стоиме на располагање во секое време, а секако доколку имате потреба можеме да закажеме и онлајн состанок во термин кој вам ви одговара, на кој од поблиску ќе ви ги презентираме можностите и услугите кои МАСИТ ги нуди. contact: contact@masit.org.mk

Со големо задоволство ве информираме дека CareerHUB започна со функционирање, истата е изработена во рамки на проектот МладиХаб – Дигитална Младина, финансиран од Британската Амбасада, а имплементиран од Националниот Младински Совет на Македонија, во партнерство со МАСИТ која има за цел да овозможи поврзување на млади талентирани професионалци кои поседуваат дигитални вештини со работодавачи кои имаат потреба од ангажирање на соработници со полно или скратено работно време, хонорарен ангажман, практиканство или волонтирање. Ги охрабруваме/замолуваме сите компании членки на МАСИТ кои имаат потреба од ангажман на лица кои поседуваат дигитални вештини да креираат профил на платформата и да поставуваат оглас/и. Преку оваа платформа можете да: Креирате профил на вашата компанија и да поставувате оглас Добивате апликации од кандидати на објавените огласи Ги разгледате профилите на кандидатите и да остварите контакт со нив Платформата е целосно во функција, поради тоа ве охрабруваме да го искористете целиот потенцијал со кој располага истата. Линк до CareerHUB https://careerhub.mladihub.mk/default

Денес, 11 декември 2020 година, Стопанската комора за информатички и комуникациски технологии – МАСИТ одржаа инфо-сесија за претставување на наодите од анализата за потребите на ИКТ индустријата за квалификувана работна сила како еден од најголемите предизвици за одржување на конкурентноста и зголемување на растот. Инфо сесијата беше организирана заедно со Регионалниот проект на УСАИД за економски развој, управување и развој на претпријатијата (EDGE) и Проектот Партнерство за подобра бизнис регулатива, реализиран од Епи Центар во партнерство со Стопанската комора на Македонија, Стопанска комора за информатички и комуникациски технологии – МАСИТ, Стопанска комора на северозападна Македонија и Сојуз на стопански комори. Заклучоците и препораките од анализата, како и директните предлози од бизнис секторот од денешната онлајн инфо-сесија ќе бидат доставени до надлежните органи преку Платформата за јавно-приватен дијалог за да се креираат мерки кои ќе ги адресираат овие недостатоци. Извештајот може да го симнете на линкот подолу. Превземи PDF

Денес, во рамки на глобалниот настан “WITSA Global ICT Excellence  Awards”, нашите компании членки Nextsense со решението “ Contact Tracing technology” и Elevate Global со решението “BAT”, ја добија почесната награда “Merit Winner Award” во рамки на глобалниот настан “WITSA Global ICT Excellence Awards”, а во конкуренција со ИKТ компании од целиот свет. Настанот се одржува од 18- 20.11 во Пенанг, Малезија. „Оваа година, номинациите доставени до WITSA за годинeшни награди, го опфаќаат целото глобално членство на WITSA, од Нигерија до Бангладеш, од Аргентина до Велика Британија и пошироко. Годинешниот избор на награди се случуваа во многу уникатно време во историјата. И покрај минувањето низ глобална пандемија, воодушевени сме што ќе можеме да препознаеме некои од најдобрите решенија за ИКТ од владите, институциите, поединците и индустријата “, изјави генералниот секретар на WITSA, д-р Jim Poisant“. „Во сите претходни 20 години откако се одржуваат WITSA Global ICT Excellence  Awards, немавме чест и привилегија, да добиеме и разгледаме, квалификувани, уникатни и извонредни решенија, какви што добивме оваа година“ – изјави претседателката на WITSA г-ѓа Yvonne Chiu. МАСИТ како член на WITSA (World Information Technology and Services Alliance) ги номинираше пријавените решенија од компаниите членки на МАСИТ до WITSA , a годинава беа објавени следниве категории за номинација: КОВИД-19 технички решенија за градови и локалитети, КОВИД-19 технички решенија за земји или региони, КОВИД-19 најдобри решенија во индустријата, награда за јавно – приватно партнерство, награда за дигитални иновации, решение за одржлив раст, иновативни решенија во здравството, награда за дигитални иновации, и награда за е-образование и учење. Повикот за учество во изборот беше отворен за сите компании членки на МАСИТ, но и за ИКТ компаниите кои не се дел од МАСИТ, а право на учество имаат сите ИКТ компании кои ќе номинираат готови сопствени решенија, имплементирани кај крајни корисници во Република Македонија. Светската алијанса за информатичка технологија и услуги (WITSA) е водечки признат меѓународен глас на глобалната ИКТ-индустрија, чии членови од над 80 земји и економии претставуваат повеќе од 90 проценти од светскиот IKT пазар.

На состанокот на Генералното собрание на 17 ноември 2020 година, Светската алијанса за информатички технологии и услуги (WITSA) избра свои лидери за членови на Одборот на Директори за мандатот 2020-22, вклучувајќи 23 директори од четири континенти, меѓу кои и претставникот на Управниот одбор на МАСИТ, Г-дин Зоран Лазаревски од компанијата АССЕКО СЕЕ. Воедно, за време на Генералното Собрание, за Претседател на WITSA во мандатот 2020-2022 беше избран Г-дин Yannis Sirros од Hellenic Information Technology and Communications Enterprises (SEPE) од Грција. Целосната информација за новото избрано раководство на WITSA за мандатот 2020-2022 можете да ја погледнете на следниот линк https://witsa.org/witsa-elects-new-leadership-for-the-2020-22-term-selects-mr-yannis-sirros-as-its-first-chairman-from-europe/ МАСИТ е член на WITSA од 2005 година и втор пат е дел од Одборот на директори на WITSA. Со влегувањето на МАСИТ во Одборот на директори на WITSA, МАСИТ станува активен чинител во креирањето на политиките за развој на ИКТ на светско ниво, што е од посебно значење особено во овој период во кој глобалната пандемија Ковид-19 ја постави ИКТ индустријата и потребата од дигитализацијата на сите аспекти на живеење во главен фокус на светско ниво. Преку активно учество во Одборот на директори МАСИТ ќе има можност да ги престави своите видувања и ставови и заеднички во соработка со останатите членови светски лидери да ја спроведува визијата на WITSA за градење на нов дигитален свет. Г-дин Зоран Лазаревски, како член на Одборот на директори на WITSA во мандатот 2020-2022 ќе биде посветен на темите поврзани со дигитална транзиција како светски процес, справување со предизвиците поврзани со работната сила и образование во ИТ секторот, приватност на податоци, како и зголемување на соработката во рамки на WITSA. “Пред се би сакал да се заблагодарам на УО на МАСИТ, Председателката Анета Пешева и Извршната канцеларија на МАСИТ, за номнацијата и поддршката која ја имав во текот на целиот процес. Можноста  активно да се учествува во креирањето на политиките во ИКТ секторот на глобално ниво, представува исклучително голема обврска и одговорност за МАСИТ и за мене како представник на МАСИТ. Секако дека ова представува можност за афирмирање на МАСИТ во рамките на регионот и пошироко и во таа смисла интензивирање на меѓународната соработка на МАСИТ со други сродни комори од ИКТ” истакна Г-Дин Лазаревски, Целосната листа на членови на Одборот на Директори на WITSA можете да ја погледнете во продолжение: WITSA Board of Directors (2020-2022)   Name & Title Association & Country 1 Mr. Yannis Sirros Federation of Hellenic Information Technology and Communications Enterprises (SEPE) Greece 2 Mr. Sean Seah The National ICT Association of Malaysia (PIKOM) Malaysia 3 Mr. Francis Fong Hong Kong Information Technology Federation (HKITF) Hong Kong 4 Mr. Brian Shen Information Service Industry Association of Taiwan (CISA) Taiwan 5 Mr. John Kyle Business Technology Division of the Bermuda Chamber of Commerce Bermuda 6 Dr. Boris Komrakov Belarus Association of Software Development Companies (InfoPark) Belarus 7 Mr. Robert Franz Janssen Association of ICT Companies in Brazil (ASSESPRO) Brazil 8. Dr. Vasile Baltac Association for Information Technology and Communications of Romania (ATIC) Romania 9. Mr. Antonio Cimorra The Association of Electronics, IT, Communications and Digital Contents (AMETIC) Spain 10. Mr. Zoran Lazarevski ICT Chamber of Commerce of the Republic of North Macedonia(MASIT) North Macedonia 12 Mr. Toshio Iwamoto Japan Information Technology Services Industry Association (JISA) Japan 13 Mr. Julian David techUK United Kingdom 14 Mr. Hemant Kumar Chaursaia CAN Federation Nepal 15 Ms. Choi Min Hee Federation of Korean Information Industries (FKII) Republic of Korea 16 Mr. Md. Shahid-Ul-Munir Bangladesh Computer Samity (BCS) Bangladesh 17 Mr. Alexandr Yesayan Union of Advanced Technology Enterprises of Armenia (UATE) Armenia 18 Mr. Alberto Patron Cámara de Empresas de Software y Servicios Informáticos de la República Argentina (CESSI) Argentina 19 Mr. Matthias Ifesieh Information Technology Industry Association of Nigeria (ITAN) Nigeria 20 Eng. Tarek Abd-elmonem Taha Egyptian Information Telecommunications, Electronics and Software Alliance (EITESAL) Egypt 21 Mr. Santiago Gutierrez CANIETI Mexico 22 Ms. Angela Mondou TECHNATION Canada 23 Mr. Alexander Mora-Delgado Costa Rican Chamber of Information and Communication Technologies (CAMTIC) За МАСИТ Стопанска комора за информатички и комуникациски технологии – МАСИТ ја претставува Македонската ИКТ индустрија и ги промовира и застапува бизнис интересите на ИКТ компаниите со цел унапредување и развој на ИКТ индустријата и бизнис опкружувањето. Комората ги претставува компаниите кои работат со широк спектар на ИКТ производи и услуги во Македонија и од своето основање во 2000 година, како непрофитна и волонтерска институција, на своите компании членки им овозможува пристап до информации, едукација, правни совети, соработка, вмрежување и промоција на домашно, регионално и меѓународно ниво, се со цел унапредување и развој на ИКТ индустријата. МАСИТ соработува регионално и интернационално со други организации и асоцијации. Региoнално МАСИТ соработува со сите ИКТ Асоцијации од регионот на ЈИЕ (Југо-Источна Европа), и е член на Balkan and Black Sea Cluster Network. Интернационално МАСИТ e членка на World Information Technology and Services Alliance – WITSA (www.witsa.org) од мај 2005. МАСИТ има одлична соработка со донорските организации присутни во државата. За повеќе информации за МАСИТ посетете ја www.masit.org.mk. За WITSA Светската алијанса за информатичка технологија и услуги (WITSA) е водечки признат меѓународен глас на глобалната ИКТ-индустрија, чии членови од над 80 земји и економии претставуваат повеќе од 90 проценти од светскиот пазар на ИКТ. WITSA е посветена на застапување на политики кои го унапредуваат растот и развојот на индустријата; олеснување на меѓународната трговија и инвестиции во ИКТ производи и услуги; зајакнување на националните здруженија на индустрија на WITSA; и обезбедување на членовите со широка мрежа на професионални контакти. WITSA е домаќин на Светскиот конгрес за информатичка технологија (WCIT), премиерната глобална индустриски спонзорирана ИКТ конференција. Членовите на WITSA се лидери на глобално меѓусебно поврзан пазар. Бидејќи предизвиците со кои се соочува ИКТ индустријата се неспорно глобални по природа, членовите на WITSA работат заедно за да постигнат заедничка визија за важни прашања од заеднички интерес. WITSA им овозможува на своите членови – почнувајќи од Монголија и Аргентина до Кенија и САД – да ги идентификуваат заедничките прашања и приоритети, да разменуваат вредни информации и да презентираат единствен став за индустриски прашања. За повеќе информации во врска со WITSA, посетете ја www.witsa.org.

МАСИТ е официјален партнер на 100% виртуелниот настан S2Tech (Sustainable and Smart Technologies Virtual Fair & Congress) на тема: “Today’s technology for tomorrow’s future”, со датум 25 и 26.11.2020 година, од 09:00 до 18:00 часот, под организација на Шпанските организации CICAT, DOMOTYS, SOLARTYS со поддршка од Европска Унија, Шпанското министерство за индустрија, трговија и туризам https://s2tech.es/en/organizers/. За членките на МАСИТ се обезбедени повластени цени (повеќе за ова на маилот подолу). За настанот Овој настан има за цел да ги надмине тешкотиите при водење бизнис и да ги запознае компаниите и организации на застапените сектори. Во целосно виртуелно опкружување, S2Tech ќе обезбеди мможност за виртуелни  состаноци каде сите учесници ќе можат да учествуваат. Во текот на двата дена во кои ќе се одржи настанот, изложувачите, презентерите и посетителите ќе имаат можност да комуницираат, да ги посетуваат штандовите, да присуствуваат на конференции и да запознаваат нови потенцијални клиенти, добавувачи или можни партнери за нивниот проект виртуелно. Платформата е дизајнирана да понуди виртуелна реалност, каде што интеракцијата со другите присутни е главен фактор. За да имате пристап до платформата, ќе ви треба само компјутер, таблет или мобилен телефон со Интернет врска и, откако ќе се поврзе во платформата, присутните ќе можат да комуницираат преку говорна порака од дигитален аватар. *Сите детали и поширок опис за самиот виртуелен настан може да погледнете во документот на линкот подолу. Веб страна https://s2tech.es/en/ Сектори кои учествуваат Energy storage Professional audiovisual Smart cities and buildings Energy efficiency Electronics Solar energy Lighting Smart technologies Ценовник Букирање на штанд 1.195 евра Говорник на настанот 380 евра S2TECH ќе има павилјон исклучиво за стартапи каде штандовите ќе имаат намалена цена од 250 евра *Сите детали во однос на ценовникот може да ги погледнете на документот во продолжение. Повеќе информации Превземи PDF

Соработката помеѓу јавниот и приватниот сектор е клучна за просперитет во една држава, а истото е уште поважно во време на криза. Потврда за ова е добиената награда за јавна администрација во Западен Балкан во категоријата дигитална влада на натпревар е организиран од СИГМА/ОЕЦД и Регионалната школа за јавна администрација (РеСПА)