Дознајте повеќе за состојбата на е-трговија во Република Србија, за правната рамка, платформите на е-пазарот, опции за испорака и плаќање, прочитајте и насоки за развој на веб-продавница.Во прилог е брошурата, достапна на англиски јазик, подготвена во рамките на проектот „Патека за дигитализација“, финансиран од Проектот на УСАИД за економски развој, управување и развој на претпријатијата, имплементиран од МАСИТ (Северна Македонија) во партнерство со СТИКК (Косово) и ИКТ Нет (Србија). Брошура: Е-ТРГОВИЈА ВО СРБИЈА – Зголемување на продажбата преку Интернет и решенија за е-трговија

 Стопанската комора за информатички и комуникациски технологии – МАСИТ одржаа инфо-сесија за претставување на наодите од анализата за потребите на ИКТ индустријата за квалификувана работна сила како еден од најголемите предизвици за одржување на конкурентноста и зголемување на растот. Инфо сесијата беше организирана заедно со Регионалниот проект на УСАИД за економски развој, управување и развој на претпријатијата (EDGE) и Проектот Партнерство за подобра бизнис регулатива, реализиран од Епи Центар во партнерство со Стопанската комора на Македонија, Стопанска комора за информатички и комуникациски технологии – МАСИТ, Стопанска комора на северозападна Македонија и Сојуз на стопански комори. Заклучоците и препораките од анализата, како и директните предлози од бизнис секторот од денешната онлајн инфо-сесија ќе бидат доставени до надлежните органи преку Платформата за јавно-приватен дијалог за да се креираат мерки кои ќе ги адресираат овие недостатоци. ICT – Workforce assessment report

https://youtu.be/Gvw-D3nIQ8g Брошурата Како до дигитална трансформација е подготвена во рамките на проектот „Патека за дигитализација“, финансиран од Проектот на УСАИД за економски развој, управување и развој на претпријатијата, имплементиран од МАСИТ (Северна Македонија) во партнерство со СТИКК (Косово) и ИКТ Нет (Србија). Целта на брошурата е да послужи како Водич за дигитална трансформација за почетници и за сите компании кои сакаат да стимулираат размислување за дигитална трансформација. Брошурата одговара на прашања како што се: како да се пристапи кон дигиталната трансформација, кои чекори треба да се преземат, кои алатки се достапни, кои се придобивките и за какви инвестиции станува збор, во лесен и сеопфатен формат. Брошурата е достапна на линковите подолу: Македонска верзија English version

Законот за заштита на личните податоци стапи во сила на 25.2.2020 година, а преку прирачникот компаниите имаат можност да се запознаат со практичната имплементација на обврските кои се дел од Законот за заштита на личните податоци базирани на европските практики. Законот определува во кои случаи може да се обработуваат лични податоци и кои принципи мора да се почитуваат при тој процес и исто така ја промовира обврската на отчетност, односно обврска на компаниите да може да ја докажат својата усогласеност со законот. Во продолжение можете да го превземете прирачникот за заштита на лични податоци. Прирачник за имплементација на законот за заштита на личните податоци

Ве информираме дека во изминатиот период МАСИТ со поддршка на Програмата за зголемување на пазарната вработливост – И.М.Е на Швајцарската агенција за развој и соработка, интензивно работеше на креирање на првиот локален Извештај за ИКТ индустријата во Северна Македонија, кој беше изработен од страна на домашната компанија за истражување и консалтинг ИнсајдерИД и бонитетната агенција Таргет Груп. Извештајот може да го пртеземете во продолжение. Извештај за извоз за ИКТ индустријата во Северна Македонија

МАСИТ со поддршка на Програмата за зголемување на пазарната вработливост – И.М.Е на Швајцарската агенција за развој и соработка, интензивно работеше на креирање на првиот локален Извештај за ИКТ индустријата во Северна Македонија, кој беше изработен од страна на домашната компанија за истражување и консалтинг ИнсајдерИД и бонитетната агенција Таргет Груп. Извештајот може да го преземете во продолжение. Извештај за ИКТ индустријата во Северна Македонија

Целта на оваа студија е да се изврши анализа на последиците кои ги предизвикуваат на пазарот на трудот и врз работните односи самата пандемија на КОВИД 19 и правните прописи од најразличен вид пропишани како задолжителни или препорачани од страна на државата и Светската здравствена организација поточно од нивната примена. Трудовиот процес и пазарот на трудот функционираат во услови на вонредна состојба, прописи од привремен карактер, делумно суспендирана редовна регулатива и кризни/антикризни мерки. Студија за ефектите врз работните односи предизвикана од пандемијата од КОВИД-19 со предлози за надминување на последиците.

Оваа студија е подготвена од Маријана Андриќ, во соработка со Платформата за јавно – приватен дијалог сочинета од Стопанска комора на Македонија, Стопанска комора за информатички и комуникациски технологии – МАСИТ, Стопанска комора на северозападна Македонија и Сојуз на стопански комори на Македонија. Студијата е подготвена во координација на ЕПИ ЦЕНТАР Интернационал и со поддршка на американскиот народ преку Агенцијата на САД за меѓународен развој (УСАИД). Студија за ефектите врз ИКТ индустријата од вирусот COVID-19 со препораки за справување со последиците

Целта на ова истражување е анализа на правната рамка и на државните политики кои имаат влијание на конкурентноста и на условите за работа во ИКТ индустријата како и детерминирање на областите каде преку промена на прописите може да се подобрат условите за работа и да се обезбеди клима за подобро функционирање на оваа индустрија. Во ова истражување се презентирани актуелните состојби во македонската индустрија за ИКТ, а потоа и објаснети компаративните искуства на земјите од регионот во делот на користењето на политиката на јавните финансии во функција на стимулирање и поддршка на ИКТ индустријата, за врз база на тие искувства на крајот ќе бидат понудени конкретни мерки чија имплементација би била од корист за македонските фирми и за целата ИКТ индустрија воопшто. Анализата се фокусира на правната рамка и на компаративните искуства и истата нема за цел квантитативна анализа на ефектите од предложените мерки. Едно такво истражување ќе биде неопходно во иднина, но истото бара поинаков економетриски пристап што е надвор од фокусот на ова истражување. Оваа анализа е подготвена од страна на д-р. Јован Зафироски Реформи за подобра бизнис клима за успешно функционирање и раст на ИКТ индустријата

Стопанската комора за информатички и комуникациски технологии – МАСИТ го објави Првиот Извештај за Аутсорсинг индустрија во државата. Извештајот ги мери и прикажува извозот на услугите надвор од државата, предностите и недостатоците на оваа индустрија и нејзината иднина. Идејата за изработката на овој Извештај, МАСИТ го црпи од фактот дека аутсорсинг индустријата не е препознаена како посебна индустрија во Северна Македонија. Со тоа, нема свои соодветни механизми на поддршка, соодветна законска регулатива, развиен пазар и поголемо ширење на пазарните можности надвор од државата. Целта на МАСИТ е да со реализацијата на овој Извештај, потенцира дека во Северна Македонија ги има сите услови за создавање на позитивна клима за развој на оваа индустрија и забрзување на истата преку позиционирање на државата како потенцијална земја на мапата на аутсорсинг индустрии во регионот и пошироко. Примерот по кој Извештајот е подготвен се двата Извештаи, SEE Report за аутсорсинг состојба во регионот и Извештајот на Бугарската Асоцијација за аутсорсинг индустријата. Следејќи ги нивните позитивни примери, а учејќи од нивните грешки, сметаме дека можеме многу да влијаеме на развојот на аутсорсинг индустријата. Извештајот беше првично презентиран на Годишната конференција на МАСИТ, на 31ви Октомври 2019, а истиот можете да го превземете на следниот линк подолу. Извештај за Аутсорсинг индустријата во Мaкедонија (2019) – EN