Номинации на МАСИТ за Глобалните ИКТ награди за извонредност на WITSA
Со големо задоволство ве информираме дека 6 компании – членки на МАСИТ ќе бидат номинирани на овогодинешниот избор „Глобални ИКТ награди за извонредност” што ќе се одржи од od 6-9 октомври во Ереван, Ерменија, организиран од страна на Светската алијанса за ИТ услуги – WITSA.
Компанијата ИВОТЕ е номинирана во категоријата Јавно – приватно партнерство со решението Demokra. Demokra, претставува интегрирана платформа која овозможува детално и сеопфатно управување со сите изборни процеси. Технологијата на Demokra придонела за многу транспарентни изборни резултати во многу земји ширум светот меѓу кој и во нашата земја.
Компанијата Asseco SEE е номинирана во категоријата е – Здравство со решението Drug Visor. Drug Visor претставува систем за следење на насекано дејство на лековите. Една од основните карактеристики на системот Drug Visor е дека е изработен согласно последното упатство на Интернационалниот совет за хармонизација, кој ја дефинира структурата на една ICSR пријава и тоа верзија R3 на тоа упатство. Ова упатство е дефекто стандард на една ICSR пријава, според која сите релевантни институции работат. Меѓу нив секако и Европската Медицинска Агенција – ЕМА и Светската Здравствена Организација – СЗО. Основата на оваа стандардизација е информацијата поврзана со нeсаканите реакции на лековите брзо и лесно да може да се размени во електронски формат.
Компанијата Aspekt е номинирана во категоријата Дигитални иновации со решението M-Kajy. Мобилната платформа М-Кају обезбедува зголемување на индивидуалната продуктивност на вработените како и сервисирање на клиентите поефикасно, онлајн без интернет конекција. Оваа мобилна платформа нуди кориснички-ориентирана околина која овозможува брз пристап до финансии на најранливите групи на луѓе и дигитализирање на процесот на интерконекција со надворешен систем за плаќање, со обработка на трансакции во реално време. Платформата обезбедува 10 пати подобро искуство на клиентите преку оперативна централизација и погодност на мобилните сервиси.
Компанијата Elicosoft е номинирана во категоријата Дигитални иновации, со решението Smart inventory (SI). Ова решение претставува модерна и инвентивна web апликација, единствена на пазарот од овој вид за задоловување на потребите пред се на дистрибутивните компании, и управување со складиштата во рамки на компанијата. Истото, нуди заштеда на време, финансии, прецизно планирање на сите активности и контрола на целиот процес во работењето, намалување на повторен внес на податоци, контрола на внесените податоци и систем на нотификација – потсетници за одредени активности.
Компанијата Bransys е номинирана во категоријата Дигитални иновации со решението EZtoTrack – Asset Management Solution. Ова решение служи за менаџирање и контрола на assets – средства во возен парк, како што се контејнери, приколки, шасии и сл. Ова решение е иновација со која се овозможува следење на средствата кај еден возен парк по пристапни цени. Целта на ова решение е да се овозможи исплатлива услуга за крајните корисници, која драстично би им ги намалила оперативните трошоци од работењето на флотата возила и би ја подобрила продуктивноста на работењето на целиот возен парк.
Компанијата Inplayer е номинирана во категоријата Дигитални иновации со решението Paywall. Paywall претставува алатка за монетизација на дигитални содржини, вклучувајќи видеа, преноси во живо, аудио содржини и слично. Истата, им овозможува на сопствениците на дигитална содржина на лесен и едноставен начин да реализираат добивка од истите, овозможувајќи им да се пласираат на глобален пазар без разлика каде се наоѓаат крајните корисници.
Изборот “Глобални ИКТ награди за извонредност” организиран од страна на Светската алијанса за ИТ услуги – WITSA се одржува на секои две години каде се доделуваат наградите со цел да се даде признание на компаниите и организациите за ИТ достигнувањата на глобално ниво.
Новости
МАСИТ и RAGUSA Group: „CONNECT & TASTE“
Успешно реализиран „CONNECT & TASTE“: Нови стандарди за деловно вмрежување на ИКТ секторот Во прекрасниот амбиент на ресторанот PARK by RAGUSA, Стопанската комора за ИКТ – МАСИТ, заедно со својот патрон партнер RAGUSA GROUP, го реализираа првиот деловен бранч под името „CONNECT & TASTE“. Настанот послужи како платформа за директно поврзување на лидерите од ИКТ индустријата со цел градење нови партнерства и истражување на можности за соработка во опуштена, но професионална атмосфера. Синергија помеѓу технологијата и врвното угостителство Главниот фокус на „CONNECT & TASTE“ беше потврдување на стратешкото партнерство помеѓу МАСИТ и Ragusa Group. Преку овој настан, членките на комората имаа единствена можност одблиску да се запознаат со капацитетите и професионалноста на Ragusa Group – лидер во областа на организација на корпоративни настани и гостопримство. „Овој настан потврди дека најдобрите идеи и стратешки партнерства се создаваат кога професионалноста се среќава со вистинските соработници. Со Ragusa Group како наш патрон партнер, членките на МАСИТ добиваат моќен сојузник кој гарантира беспрекорна организација и поддршка за сите идни корпоративни активности,“ велат од комората. „Ни претставува особена чест што го одбележуваме почетокот на ова стратешко партнерство со МАСИТ. Веруваме дека оваа соработка ќе донесе нови можности и вистинска додадена вредност за компаниите членки. Како патрон партнер, за заедницата на МАСИТ подготвивме специјална програма со ексклузивни бенефити која ќе биде достапна во сите наши локации – PARK by Ragusa, RAGUSA 360, Ragusa 919 и Kinder PARK. Нашата цел е да понудиме врвно искуство и поддршка како за компаниите, така и за сите нивни вработени, поставувајќи нови стандарди во корпоративното дружење.“ – изјави Ирена Голомеиќ, Директор на продажба, RAGUSA Group Сеопфатно партнерство со целото портфолио на Ragusa Group Она што ја прави оваа соработка посебна е нејзиниот широк опсег. Стратешкото партнерство и придобивките од специјално креираната програма важат за сите капацитети во рамките на Ragusa Group, овозможувајќи им на членките избор на соодветен амбиент за секоја пригода: PARK by RAGUSA GROUP – за престижни настани во срцето на Градскиот парк; RAGUSA 360 – за ексклузивни корпоративни прослави со панорамски поглед; RAGUSA 919 – за автентични деловни ручеци и настани; KINDER PARK – идеално место за семејни и тимски дружења со најмладите. Ексклузивни привилегии за компаниите и вработените Заедницата на МАСИТ добива пристап до ексклузивни бенефити и повластени услови кои се внимателно дизајнирани да одговорат на потребите на современиот ИКТ сектор. Оваа програма ги опфаќа сите компании кои се членки на МАСИТ и вработените во компаните. Поглед кон иднината: Креирање додадена вредност Настанот „CONNECT & TASTE“ е само почеток на низата активности кои имаат за цел да ја зајакнат ИКТ заедницата преку квалитетно вмрежување. Комбинацијата на врвна гастрономија и деловна дискусија се покажа како вистински модел за поттикнување на дијалог и иновации во секторот. МАСИТ продолжува посветено да гради мостови и да создава вредност за своите членки, поставувајќи нови, повисоки стандарди за корпоративна култура и професионално дружење во Македонија.
19. 03. 2026г.
МАСИТ со клучна поддршка за формализација на економијата преку дигитални решенија
Заедничка посветеност за формализирање на неформалната економија во РСМ Стопанската комора за информатички и комуникациски технологии – МАСИТ, се приклучи кон националната иницијатива за намалување на неформалната економија. Претседателот на МАСИТ, Јордан Димитровски, ја потпиша Декларацијата за партнерство и акција: „Заедничка посветеност за формализирање на неформалната економија во РСМ“. Потпишувањето беше дел од годишната конференција на Министерството за финансии, која оваа година се одржа под насловот: „Формализирање на неформалната економија: Преку соработка до успех“. Дигитализацијата како одговор на неформалната економија Учеството на МАСИТ на оваа конференција ја нагласува неопходноста од ИКТ секторот како примарен партнер во процесите на реформирање на економскиот систем. Како претставници на најдинамичната индустрија, МАСИТ цврсто стои на ставот дека технологијата е најефикасната алатка за воспоставување на ред, транспарентност и фер конкуренција на пазарот. Официјализирањето на оваа соработка преку Декларацијата е потврда за заложбите на ИКТ заедницата за системски промени кои ќе ги трансформираат неформалните деловни практики во формални, придонесувајќи за целокупниот економски раст. Клучни насоки на дејствување Согласно потпишаната Декларација, МАСИТ ќе се фокусира на примена на следните принципи преку капацитетите на ИКТ индустријата: Промовирање на дигитализацијата: Воведување на дигитални алатки и платформи кои ќе ја стимулираат формализацијата, ќе овозможат поедноставна регистрација на бизнисите и значително ќе ја намалат административната сложеност. Спречување на неформализацијата и заштита на работничките права: Преку соодветни софтверски решенија и системи, МАСИТ ќе поддржува механизми за спречување на непријавената работа и погрешната класификација на работните односи, обезбедувајќи достоинствени услови за работа. Технолошка поддршка за институциите: Јакнење на меѓуинституционалната соработка и инспекциските служби преку модернизација на нивните ресурси, со цел поефикасно спроведување на регулативата и превенција на неформалните активности. Транспарентност и аналитика: Поддршка во воспоставувањето системи за евалуација кои преку податоци и индикатори ќе дадат јасна слика за напредокот во процесот на формализација. Едукација и одговорно претприемништво: Промовирање на етички деловни практики во ИКТ секторот и подигнување на свеста за придобивките од формалното работење за целиот економски систем. Заедничка заложба за успех Годишната конференција на Министерството за финансии послужи како платформа за обединување на сите релевантни чинители. Беше истакнато дека само преку заедничка акција, меѓусекторска соработка и стратешка примена на ИКТ решенија може да се постигнат видливи резултати. МАСИТ останува активен партнер во сите натамошни чекори за имплементација на потпишаната Декларација, придонесувајќи со стручност и иновативни решенија за подобра економска иднина.
19. 02. 2026г.
МАСИТ и Министерството за надворешни работи и надворешна трговија ја интензивираат соработката за поддршка на извозот на ИКТ-компаниите
Годината започна со значајна официјална средба меѓу раководството на МАСИТ и министерот за надворешни работи и надворешна трговија, Тимчо Муцунски, придружуван од Крум Ефремов, директор за економска и јавна дипломатија. На средбата учествуваше раководството на МАСИТ, предводено од претседателот Јордан Димитровски, заедно со заменик-претседателот на Управниот одбор Филип Петровски, членот на Управниот одбор Дамјан Манчевски и директорката на Извршната канцеларија, Елена Китаноска. Во фокусот на разговорите беа можностите за унапредување на извозниот потенцијал на македонските ИКТ-компании, нивната поголема меѓународна видливост и системска поддршка за настап на странските пазари. Посебно внимание беше посветено на улогата на економската дипломатија и дипломатско-конзуларната мрежа во промоција на македонските ИКТ-решенија и воспоставување контакти со странски партнери. Претставниците на МАСИТ ги истакнаа приоритетите и предизвиците со кои се соочуваат компаниите членки, нагласувајќи ја потребата од координирана институционална соработка, континуирана промоција на домашната ИКТ-индустрија и организиран настап на меѓународни саеми, бизнис-форуми и трговски мисии. Преку интензивирана соработка со Министерството за надворешни работи и надворешна трговија, МАСИТ продолжува активно да работи на создавање конкретни можности за раст, зголемување на извозот и меѓународно позиционирање на македонските ИКТ-компании. Заедничката заложба е ИКТ-секторот да се зацврсти како еден од клучните двигатели на економскиот развој и да се поттикне поголема конкурентност на македонските компании на глобалниот пазар. МАСИТ и во наредниот период ќе продолжи да иницира и поддржува вакви стратешки средби и партнерства, со цел создавање поволна деловна клима и долгорочен развој на ИКТ-индустријата во земјата.
21. 01. 2026г.
