Интервју со Анита Никова, МАСИТ: ИКТ секторот има голем потенцијал за извоз, потребни се мерки за да биде поконкурентен
Интервју за извоз.мк
Анита Никова е извршен директор на МАСИТ, Стопанската комора која ги претставува интересите на компаниите кои работат во областа на информатичките и комуникациски технологии и која со години назад посветено работи ИКТ индустријата да го добие вистинското место во економијата и државата кое го заслужува.
ИКТ секторот во 2018 година оствари приходи од над 862 милиони евра, а извозот на оваа индустрија во изминативе пет години порасна од 60 милиони евра, на над 160 милиони евра.
Никова вели дека ИКТ секторот има многу голем потенцијал да го зголеми извозот со поголема додадена вредност од земјава. Во интервју за Извоз.МК Никова ги најавува и објаснува мерките кои МАСИТ ќе ги побара од државата за ИКТ секторот да стане уште поконкурентен. Меѓу барањата на МАСИТ се намалување на фискалните давачки за вработените, поддршка за инвестициите во образование и обука на кадри, како и низа различни даночни мерки и стимулации преку кои ќе се подобрат условите за работа на вработените во овој сектор.
Подолго време сте на чело на МАСИТ како извршен директор , која е практично гласот на македонската ИКТ индустрија. Колку како Комора сте задоволни од досега постигнатите резултати во насока ИКТ индустријата да го добие вистинското место и третман?
МАСИТ веќе 20 години ги претставува и застапува интересите на ИКТ индустријата во државата, притоа борејќи се ИКТ индустријата да го добие вистинското место и третман, за што сметам дека сме се уште далеку, иако значаен дел од нашите предлози и забелешки во изминатите години биле прифатени и реализирани.
Залагањата на МАСИТ не се поврзани само за стимулирање на ИКТ секторот, туку за подигање на свеста на целокупното општество дека без ИКТ индустријата е невозможен раст на вкупната економија во сите гранки на стопанството и нејзина конкурентност.
Потребно е да се промени перцепцијата за ИКТиндустријата, дека таа не претставува само услужна дејност на другите гранки, туку дека таа е ‘рбетот за просперитет и развој. Ние веруваме во потенцијалот на ИКТ индустријата која може да направи подобрување на целокупната економија и на квалитетот на живот на сите граѓани во нашата држава.
ИКТ индустријата бележи континуиран раст и развој во последните неколку години. Може ли малку посликовито да ја доближите до јавноста важноста и значењето на ИКТ индустријата за македонската економија?
ИКТ индустријата е редок пример за дел од македонската економија кој има потенцијал да генерира силен економски раст и бенефити кои се чувствуваат не само во економијата, туку и во целото општество воопшто. Тоа е индустрија каде постојат директни инвестиции без експлоатација на природни богатства, нема загадување на човековата околина, а притоа државата од суровинско извозна, може да се претвори во извозник на производи и услуги со висока додадена вредност.
Експанзијата на оваа индустрија значи зголемување на девизните приливи, развој на сите други сектори, дигитализација на стопанството и на самата држава, односно на државниот апарат.
Денес, технолошкиот развој на една земја е непосредно поврзан со развојот и напредокот на ИКТ секторот затоа што тој е носител на најмодерните концепти на управување, производство, маркетинг и тн.
ИКТ секторот има неограничен потенцијал и бележи константен раст на вработувањето, додека вработените се едни од најплатените професионалци, а работат во убедливо најдобри услови и придонесуваат најмногу со даноци и придонеси во државата.
Согласно податоците со кои располагаме, ИКТ секторот бележи континуиран раст со остварени вкупни приходи од 862.342.656 евра во 2018 година, кои во споредба со 2017 година бележат зголемување за 10%. Пораст се бележи и во бројот на вработени во секторот кои на крајот на 2018 изнесувале 14.541, односно 7% повеќе во споредба со 2017 година.
Извозот исто така бележи големи стапки на раст со остварени извозни приходи од 160 милиони евра за 2018 година, односно раст од 25% во споредба со 2017 година. Набрзо ќе ги имаме и бројките за 2019 година кои очекуваме дека ќе покажат понатамошен забрзан раст на овој сектор.
Дополнително пораст се забележува и во просечната нето плата исплатена во секторот која, согласно последните податоци објавени од Заводот за статистика, за октомври 2019 година изнесува 60.899 денари (пораст од 2.1% од истиот период лани) и е за 2,4 пати поголема од просечната плата во државата.
За важноста и значењето на овој сектор за македонската економија посочуваме на показателот просечни приходи по вработен кој на ниво на цела економија изнесува 15.317 евра, а во ИКТ секторот просечен приход по вработен изнесува 59.304 евра. Ова значи дека еден вработен во ИКТ секторот придонесува во остварените приходи 3,9 пати повеќе од просекот за целата економија.
Извозот на информатички и компјутерски услуги од земјава бележи високи стапки на раст во изминативе години. Како Вие го проценувате извозниот потенцијал на овој сектор и како извозот на ИКТ сектор може да се зголеми?
Аутсорсинг индустријата е една од најбрзо растечките во С.Македонија, со двоцифрен пораст на вработувањата во секоја од последните пет години, и се развива како една од најветувачките индустрии во националната економија.
Бројот на вработени кои работат во 187 компании од оваа област изнесува 5.713, што е 0,6% од вкупниот број на вработени во економијата. Тоа е за 1.174 луѓе повеќе од 2017 година, а се очекува бројката да достигне 15.000 вработени во 2022 година.
Приходите на аутсорсинг индустријата достигнаа 150,3 милиони евра во 2018 година, односно растат со просечна стапка од 17,9% годишно во периодот 2015 – 2018 година. Оваа индустрија расте значително побрзо од домашната економија и до 2022 година нејзините приходи ќе се приближат до 288 милиони евра.
Кои мерки би можеле да бидат ефикасни за да се зголеми конкурентноста на овој сектор и да се зголеми извозот?
Прво, преку намалување на фискалните давачки за вработените во ИКТ секторот неопходно е да се промовира конкурентноста на македонските ИКТ компании на меѓународниот пазар.
Второ, преку поддршка на образованието, како формално, така и неформално образование, потребно е да се продуцираат нови квалитетни кадри и дообразба на постојните вработени кои во иднина ќе бидат носители на индустријата.
Трето, преку различни мерки треба да се создадат подобри услови за работа на вработените во ИКТ секторот што ќе биде мотив тие да останат во државата.
Сепак, покрај овие три групи на предлог мерки, потребно е државата преку сите нејзини политики да води сметка за потребите и специфичностите на ИКТ индустријата и разните државни политики и правила кои можат да се одразат на работењето и конкурентноста на фирмите, да ги прилагоди на нивните потреби.
Претседателката на МАСИТ, г-ѓа Анета Пешева неодамна најави дека МАСИТ работи на подготовка на предлог даночна реформа само за ИКТ секторот, која ќе биде подготвена врз база на компаративна анализа на земјите од регионот каде ИКТ секторот е многу развиен благодарение на различни даночни стимулативни мерки од страна на државата. Можете ли да ни откриете нешто повеќе околу мерките кои ќе бидат предложени или барем да посочите некои примери од другите земји како тие го поддржуваат овој сектор и даваат резултати?
Дел од мерките кои ги предлагаме со цел одржување и зголемување на конкурентноста на домашните ИКТ фирми кои се натпреваруваат на висококомпетитивниот глобален пазар е намалување на давачките што македонските компании ги имаат по однос на плати за вработените.
Tука, постојат две можни решенија. Првото е да се намали даночната стапка кај данокот на личен доход за вработени во ИКТ секторот на 0%. Ова решение не е непознато во регионот. По воведувањето на ваквата даночна стапка Романија успева да ги задржи кадрите во оваа индустрија, па дури и да врати одреден процент од работната сила која дотогаш масовно ја напушташе државата. Второто можно решение е лимитирање на износот за основицата на кој се плаќаат придонесите за социјално осигурување за вработените во ИКТ секторот. Ваквиот модел е применет во Бугарија, земја од регионот каде има силно растечки ИКТ сектор.
Исто така, во однос на инвестициите во образованието во кадри кои ќе бидат спремни да ги задоволат потребите на оваа растечка индустрија, како во однос на квантитет т.е. бројот на нововработени за кои индустријата има потреба, така и во поглед на квалитетот на нивното образование кое треба да е соодветно за успешно извршување на работните обврски, предлагаме два типа на мерки. Првите би се фокусирале на дообразувањето или усовршувањето на постојните вработени во секторот, додека вториот сет на мерки би се фокусирал на образовните институции кои едуцираат кадри за ИКТ индустријата.
По однос на првиот сет на мерки, државата треба да го стимулира инвестирањето во образованието на вработените во ИТ секторот преку ослободување од оданочување или да го намали утврдениот данок за трошоци поврзани со школарини, учество на конференции, семинари, обуки на вработените.
Ако знаеме дека државата ги признава и ослободува од оданочување трошоците за инвестирање во нова опрема, компјутери на пример, логично би било да ги признае како трошок и инвестициите во образованието, во знаењето на вработените што е клучен предуслов и основна алатка за работа во ИТ секторот. Ова не е непознато решение. Ако погледнеме во регионот Хрватска има воспоставено одличен модел за државна помош за истражувачко-развојни проекти и државна помош за образование и обука на вработените.
По однос на вториот сет на мерки потребно е да се воведат даночни поттикнувања за донации во образование, како донациите во спортот на пример, со кои ќе се стимулираат вложувањата на ИКТ компаниите во образовните институции. Тоа би било од голема корист за образовните институции, а компаниите одблиску би го следеле процесот на образование на идните кадри во индустријата.
Мобилноста на кадрите во ИКТ секторот е голем проблем и за македонските ИТ компании. Како борбата за задржувањето на квалификувани кадри може да биде успешна?
Со подобрување на условите за работа и поквалитетен живот на вработените во ИКТ индустријата треба да се работи на задржување на постојните вработени и мотивирање на новите кадри да се вработат во домашни компании.
Неспорно е дека миграцијата на висококвалификуваната работна сила од ИКТ индустријата во други држави не се должи единствено на економскиот интерес, т.е. поголемите плати, туку добар дел од причините за миграција треба да се бараат и во подобрите услови за живот (здравство, образование, инфраструктура и тн.) што за вработените и нивните семејства што државите пред се’ од Западна Европа ги нудат.
Затоа, преку сет на мерки, а со цел да се мотивираат вработените да останат во домашните фирми, потребно е да се предвидат даночни признавања за направени трошоци во подобрување на работните услови (спорт и рекреација, team-building, одмор, грижа за деца и сл.) коишто компаниите во ИКТ индустријата би ги добиле за вакви вложувања што ќе значат поквалитетен живот за вработените и нивните семејства.
Исто така, имајќи го во предвид квалитетот на услугите во државното здравство, неопходна е и даночна стимулација за трошоците за приватно здравствено осигурување што мнозинството на вработените во ИКТ индустријата го плаќаат.
Постојано подобрување на образовниот систем и животната средина се исто така фактор кој ги мотивира младите висококвалификувани кадри да се иселуваат.
Како ја проценувате подготвеноста на компаниите и институциите да се носат со предизвиците кои ги носи новото време на се поголема дигитализација? Колку Македонија е далеку од дигитализирана држава?
До одреден степен, развојот на дигиталното општество во Македонија е на добар пат. Имено имаме редица на ИКТ решенија имплементирани од страна на државни органи кои функционираат одлично, но имаме и такви кои се имплементирани, надградени и кастомизирани, и кои повторно не функционираат.
Потребен е стратешки пристап во дигитализацијата на државниот сектор, кој ќе биде интероперабилен и комплетно компатибилен. Ова во превод значи дека сите државни институции меѓу себе ќе комуницираат олеснето, а за граѓаните ќе значи олеснет живот од многу аспекти.
Во паралела треба да се размислува за поддршка на дигитализација и на МСП секторот од другите индустрии, со цел одржување и зајакнување на нивната конкурентска предност како дома, така и на пазарите на кои истите настапуваат и извезуваат.
И секако за крај, постојана грижата за вработените и општо подигање на свеста дека тие се највредното нешто во секоја компанија.
Новости
Се одржа 20-тата јубилејна Годишна конференција на МАСИТ – MASIT 2.0 „Recode Reality“
Јубилејно издание посветено на иднината на ИКТ-индустријата, вештачката интелигенција, дигиталната инфраструктура и иновациите На 3 декември 2025 година, Стопанската комора за информатички и комуникациски технологии – МАСИТ, ја одржа својата 20-та јубилејна годишна конференција под наслов MASIT 2.0 – „Recode Reality“. Настанот во Скопје обедини повеќе од 300 учесници, меѓу кои претставници на ИКТ-компании, институции, академската заедница и меѓународни експерти, отворајќи простор за размена на знаења, искуства и визии за иднината на дигиталната економија. Под мотото „Recode Reality“, конференцијата ја истакна потребата од преосмислување на улогата на технологијата од алатка за поддршка на секојдневните процеси до двигател на економскиот раст, иновациите, модернизацијата на образованието и дигиталната трансформација на општеството. 03.12.2025 – MASIT 2.0 „Recode Reality“: Две децении развој, знаење и дигитална трансформација Официјално отворање и визија за иднината на ИКТ-секторот Конференцијата беше отворена со обраќање на претседателот на МАСИТ, г. Јордан Димитровски, кој ја истакна економската важност на домашната ИКТ индустрија и нејзиниот потенцијал за понатамошен раст, извоз и меѓународно позиционирање. Во своето обраќање во рамки на сесијата „Fireside Chat“, министерот за дигитална трансформација, г. Стефан Андоновски, ги претстави насоките за забрзување на дигитализацијата во државата, нагласувајќи ја важноста на соработката меѓу институциите и приватниот ИКТ-сектор во реализацијата на овие процеси. Јубилејното издание беше можност да се потсетиме на развојот на конференцијата низ изминатите две децении, во кои ИКТ индустријата помина низ значајни технолошки промени – од развојот на интернетот и мобилните технологии до cloud-решенијата, големите податоци и вештачката интелигенција. „Connectivity 2030“ – Иднината на телекомуникациите и дигиталната инфраструктура во Македонија Една од воведните дискусии беше посветена на иднината на телекомуникациите и дигиталната инфраструктура во Македонија. Панелот го модерираше г. Иво Ивановски, главен извршен директор на EuroTeleSites AG, а учествуваа г. Горан Марковиќ, главен извршен директор на Македонски Телеком, г. Методија Мирчев, главен извршен директор на А1 Македонија, и г. Брано Ѓуровиќ, главен извршен директор на One Macedonia (4iG). Дискусијата се фокусираше на модернизацијата на телекомуникациските мрежи, развојот на дигиталната инфраструктура и потребата од стратешки инвестиции што ќе овозможат побрзи, посигурни и поефикасни дигитални услуги. Разговорот ја нагласи клучната улога на телекомуникацискиот сектор во создавањето конкурентна дигитална економија и инфраструктура подготвена за идните технолошки предизвици. Сајбер-безбедноста во ерата на вештачката интелигенција Во рамки на конференцијата, Магда Јиану, менаџерка за Југоисточна Европа во Palo Alto Networks, одржа главно предавање на тема „Security in the Age of AI“. Презентацијата ја отвори темата за сè поголемата важност на сајбер-безбедноста во време кога вештачката интелигенција ги менува начините на работа, но истовремено создава и нови можности за дигитални закани. Посебен акцент беше ставен на потребата од современи безбедносни пристапи и стратегии со кои компаниите ќе можат да ги заштитат своите системи, податоци и деловни процеси. Вештачката интелигенција и трансформацијата на бизнисот Како вештачката интелигенција ги менува деловните модели, работните процеси и корисничките искуства беше во фокусот на панелот „Како вештачката интелигенција го трансформира бизнисот“, реализиран со поддршка на Brainster. Панелот го модерираше г. Петар Ниновски, основач на Brainster Group, а учествуваа г-а Благица Трпезановска, генерална директорка на Kuehne+Nagel Македонија, г. Тони Јанковски, директор за развој и иновации во Diners Club Македонија, и г. Иво Павловски, креативен директор во маркетинг-агенцијата Division. Учесниците дискутираа за практичната примена на вештачката интелигенција во различни индустрии, нејзиното влијание врз иновациите и ефикасноста, како и можностите за создавање нови производи, услуги и деловни модели. Разговорот ја истакна важноста компаниите да ги препознаат можностите што ги нуди ВИ и стратешки да ја интегрираат во своето работење, со фокус на создавање мерлива деловна вредност. Човечкиот капитал и прекуграничната соработка како двигатели на дигиталната трансформација Меѓународната перспектива на конференцијата беше дополнета со предавањето на г. Милош Ѓурковиќ, управувачки партнер во Amrop Serbia, посветено на прекуграничната соработка и улогата на човечкиот капитал во дигиталната трансформација. Предавањето ја нагласи важноста на развојот на талентите, градењето успешни тимови и создавањето услови за соработка меѓу компаниите и пазарите. Во услови на брзи технолошки промени, човечкиот капитал останува еден од најзначајните фактори за одржлив раст, иновации и успешна дигитална трансформација. „Кој ќе ја кодира иднината?“ – Едукација, кадар и потребите на ИКТ-индустријата Една од темите од особено значење за идниот развој на секторот беше усогласувањето на образовниот систем со потребите на ИКТ-индустријата. Панелот „Кој ќе ја кодира иднината?“ го модерираше г-а Весна Иваноска, директорка на Avenga Academy и членка на Управниот одбор на МАСИТ. На дискусијата учествуваа проф. д-р Весна Јаневска, министерка за образование и наука, проф. д-р Петре Ламески, декан на Факултетот за информатички науки и компјутерско инженерство (ФИНКИ), и проф. д-р Благој Ристевски, декан на Факултетот за информатички и комуникациски технологии (ФИКТ). Дискусијата се фокусираше на потребата од модернизација на образовните модели, развој на применливи дигитални вештини и подобро поврзување на образовните институции со компаниите. Посебно значење беше дадено на создавањето квалификуван кадар кој ќе може да одговори на новите барања на пазарот на труд и да придонесе кон долгорочната конкурентност на домашната ИКТ-индустрија. Иновации што ги менуваат спортот, медиумите и корисничките искуства За влијанието на новите технологии врз спортската и медиумската индустрија говореше г. Пјетро Марини, директор за иновации во Deltatre Innovation Lab. Во своето предавање „Inside the AI Playbook: Innovation Transforming Sports, Media, and User Experiences“, тој ја претстави улогата на иновациите и вештачката интелигенција во трансформацијата на начинот на кој публиката ги следи спортот и забавата, како и во создавањето нови кориснички искуства. Предавањето ја истакна потребата компаниите континуирано да ги преиспитуваат традиционалните деловни модели и да ги користат технолошките можности за развој на нови услуги, посилна поврзаност со корисниците и одржлива конкурентска предност. Моќта на податоците – Од информации до вистинска бизнис-вредност Податоците и нивната стратешка употреба беа во фокусот на панелот „Како ефикасната употреба на податоците создава вистинска бизнис-вредност“. Панелот го модерираше г. Филип Петровски, заменик-претседател на Управниот одбор на МАСИТ, а учествуваа г. Александар Манев, генерален директор на Кроација Осигурување – Друштво за неживотно осигурување АД Скопје, г. Михајло Борозанов, финансиски директор и член на Управниот одбор на Макпетрол АД Скопје, и д-р Беркан Имери, извршен директор на Халкбанк АД Скопје. Дискусијата ја истакна важноста на квалитетните и структурирани податоци како основа за подобро донесување деловни одлуки, оптимизација
30. 10. 2026г.
Регионалната tech соработка започнува во Скопје: Digital Bridge & Business ICT Forum 2026 – 04.06.2026
За првпат се создава организирана business bridge платформа помеѓу македонскиот и грчкиот ИКТ сектор. На 4 јуни 2026 година во Скопје, Стопанската комора за информатички и телекомуникациски технологии МАСИТ, во соработка со грчката асоцијација на ИКТ компании SETPE, го најавуваат одржувањето на првиот македонско-грчки „Digital Bridge & Business ICT Forum“. Овој форум претставува прва организирана „business bridge“ платформа помеѓу македонскиот и грчкиот ИКТ сектор, со цел поттикнување на регионалниот раст, отворање нови пазари и воспоставување директни партнерства помеѓу компаниите од двете земји. Програма на настанот Настанот ќе биде отворен со обраќања на високо министерско и амбасадорско ниво, по што ќе следува свечено потпишување на Меморандум за соработка помеѓу МАСИТ и SETPE. Програмата предвидува стручни презентации за состојбите во ИКТ секторите во двете земји, пленарен преглед на процесите на дигитализација во клучните индустрии, како и сесии за однапред закажани B2B состаноци. Целосната агенда за настанот е достапна на следниот линк: Превземи PDF Агенда Регистрација и Matchmaking Учеството на „Digital Bridge & Business ICT Forum 2026“ нуди стратешка можност за македонските компании да остварат директен контакт со повеќе од 20 реномирани грчки ИКТ компании кои доаѓаат во Скопје со цел воспоставување конкретна деловна соработка. Форумот е конципиран да поттикне не само соработка во рамки на технолошкиот сектор, туку и меѓусекторско поврзување. Покрај ИКТ секторот, на настанот се очекува присуство на компании од различни индустрии, со што се отвора широк простор за дигитализација на бизнис процесите и директни средби помеѓу домашните ИКТ добавувачи и потенцијални клиенти од други стопански гранки. Преку наменската B2B платформа, сите учесници ќе можат ефикасно да го менаџираат своето време и да реализираат однапред закажани состаноци со точно дефинирани деловни цели, како за регионална експанзија, така и за внатрешна дигитална трансформација. За учество на форумот и максимално искористување на потенцијалот за вмрежување, задолжителна е регистрација преку нашата официјална платформа. Ова е единствениот начин за да станете дел од B2B заедницата и да ги закажете вашите состаноци. Зошто да се регистрирате? Бидете видливи: Вашата регистрација на платформата е вашиот „дигитален штанд“ – грчките компании тука го бараат својот следен партнер. Осигурајте ги вашите термини: Состаноците се со ограничено времетраење и се закажуваат по принципот „прв пријавен, прв услужен“. Целосна агенда на дланка: Со креирање профил, добивате персонализиран преглед на сите активности и сесии Регистрација По регистрацијата, веднаш ќе можете да го поставите вашиот профил и да почнете со пребарување на партнери. Следете ги измените на платформата во реално време и дознајте кои се компании ќе бидат дел од настанот. Цена за учество Форумот е наменет за пошироката ИКТ и деловна заедница и е отворен за учество на сите заинтересирани компании и професионалци. Цената за индивидуално учество (1 лице) изнесува 70€ + ДДВ, додека за делегатско учество (до 2 лица) изнесува 110€ + ДДВ. 💡 Како дел од придобивките од членството во МАСИТ, компаниите членки на МАСИТ остваруваат право на повластена цена, при што цената за индивидуално учество изнесува 30€ + ДДВ, а за делегатско учество (до 2 лица) 50€ + ДДВ. Во цената е вклучен целодневен пристап до сите сесии, користење на B2B платформата и ручек за вмрежување. Станете партнери на „Digital Bridge & Business ICT Forum“ Вашиот бренд може да биде дел од овој значаен регионален настан. Отворени сме за соработка со партнери кои сакаат дополнителна промоција и видливост за време на форумот. За повеќе детали околу партнерските пакети, контактирајте нè. Лице за контакт: Елена Петрушевска – Директорка на ИК на МАСИТ 📧 elena.petrushevska@masit.org.mk 📞 +389 75 257 095 Со фокус на реални придобивки и стратешка регионална експанзија „Digital Bridge & Business ICT Forum 2026“ ја поставува основата за долгорочна економска синергија, докажувајќи дека вистинската регионална tech соработка започнува токму тука. Форумот е поддржан од Стопанска Банка АД Скопје Локација: Хотел Holiday Inn Скопје Ве очекуваме!
13. 05. 2026г.
МАСИТ и RAGUSA Group: „CONNECT & TASTE“
Успешно реализиран „CONNECT & TASTE“: Нови стандарди за деловно вмрежување на ИКТ секторот Во прекрасниот амбиент на ресторанот PARK by RAGUSA, Стопанската комора за ИКТ – МАСИТ, заедно со својот патрон партнер RAGUSA GROUP, го реализираа првиот деловен бранч под името „CONNECT & TASTE“. Настанот послужи како платформа за директно поврзување на лидерите од ИКТ индустријата со цел градење нови партнерства и истражување на можности за соработка во опуштена, но професионална атмосфера. Синергија помеѓу технологијата и врвното угостителство Главниот фокус на „CONNECT & TASTE“ беше потврдување на стратешкото партнерство помеѓу МАСИТ и Ragusa Group. Преку овој настан, членките на комората имаа единствена можност одблиску да се запознаат со капацитетите и професионалноста на Ragusa Group – лидер во областа на организација на корпоративни настани и гостопримство. „Овој настан потврди дека најдобрите идеи и стратешки партнерства се создаваат кога професионалноста се среќава со вистинските соработници. Со Ragusa Group како наш патрон партнер, членките на МАСИТ добиваат моќен сојузник кој гарантира беспрекорна организација и поддршка за сите идни корпоративни активности,“ велат од комората. „Ни претставува особена чест што го одбележуваме почетокот на ова стратешко партнерство со МАСИТ. Веруваме дека оваа соработка ќе донесе нови можности и вистинска додадена вредност за компаниите членки. Како патрон партнер, за заедницата на МАСИТ подготвивме специјална програма со ексклузивни бенефити која ќе биде достапна во сите наши локации – PARK by Ragusa, RAGUSA 360, Ragusa 919 и Kinder PARK. Нашата цел е да понудиме врвно искуство и поддршка како за компаниите, така и за сите нивни вработени, поставувајќи нови стандарди во корпоративното дружење.“ – изјави Ирена Голомеиќ, Директор на продажба, RAGUSA Group Сеопфатно партнерство со целото портфолио на Ragusa Group Она што ја прави оваа соработка посебна е нејзиниот широк опсег. Стратешкото партнерство и придобивките од специјално креираната програма важат за сите капацитети во рамките на Ragusa Group, овозможувајќи им на членките избор на соодветен амбиент за секоја пригода: PARK by RAGUSA GROUP – за престижни настани во срцето на Градскиот парк; RAGUSA 360 – за ексклузивни корпоративни прослави со панорамски поглед; RAGUSA 919 – за автентични деловни ручеци и настани; KINDER PARK – идеално место за семејни и тимски дружења со најмладите. Ексклузивни привилегии за компаниите и вработените Заедницата на МАСИТ добива пристап до ексклузивни бенефити и повластени услови кои се внимателно дизајнирани да одговорат на потребите на современиот ИКТ сектор. Оваа програма ги опфаќа сите компании кои се членки на МАСИТ и вработените во компаните. Поглед кон иднината: Креирање додадена вредност Настанот „CONNECT & TASTE“ е само почеток на низата активности кои имаат за цел да ја зајакнат ИКТ заедницата преку квалитетно вмрежување. Комбинацијата на врвна гастрономија и деловна дискусија се покажа како вистински модел за поттикнување на дијалог и иновации во секторот. МАСИТ продолжува посветено да гради мостови и да создава вредност за своите членки, поставувајќи нови, повисоки стандарди за корпоративна култура и професионално дружење во Македонија.
19. 03. 2026г.
