СКЕИЛ ФОКУС ДООЕЛ Скопје
„Скеил Фокус“АД е компанија којашто работи во областа на технологијата, истражувањето и развојот на напредното инженерство. Како основен снабдувач за имплементација на ИТ решенија и консултантски услуги за технологии, компанијата обезбедува технички решенија за многубројни реномирани компании од целиот свет од областа на информатичко-комуникциските технологии, со експертиза во голем број на области. Експертиза која е докажана со работата на над 200 активни проекти и со веќе реализирани 300 проекти за 500 партнери од листата на Forbes 500. Решенијата на Скеил Фокус можеме да кажеме дека се интегрирани во постоечки водечки продукти на познати компнаии во светот на ИКТ технологиите.
Со канцеларии во 6 земји низ светот и со над 1000 вработени во канцелариите во Бугарија, Северна Македонија, Обединетото Кралство, САД, Швајцарија и Германија, “Скеил Фокус”, е исклучително брзорастечка компанија, потврдено со извештајот на „Фајненшл Тајмс“ од 2019 година, кој ја вбројува компанијата во 1000-те најбрзорастечки компании во Европа, со повеќе од 100 награди и признанија. Имајќи ја и „Скеил Фокус Академијата“ во нашето портфолио, нашата цел е да ги насочиме и остручиме младите луѓе во сферата на информатичките технологии создавајќи дефицитарни кадри за целата ИТ индустрија.
Новости
Поголем глобален пробив на македонскиот ИКТ сектор
МАСИТ на средба со МНР Стопанската Комора за информатички и комуникациски технологии МАСИТ започнува ново поглавје и партнерство со Министерството за надворешни работи на Република Северна Македонија. Ова партнерство има за цел да овозможи поинтензивна и конструктивна поддршка на македонскиот ИКТ сектор. Соработката е насочена кон унапредување на меѓународната видливост на домашниот ИКТ сектор, создавање услови за отворање нови извозни пазари и подобро позиционирање на македонските компании во глобалната економија. Преку заеднички активности, учество на значајни меѓународни саеми, конференции и бизнис форуми, како и преку воспоставување нови канали за поврзување со македонската дијаспора и странските инвеститори, се очекува да се создадат реални можности за раст и развој на компаниите членки на МАСИТ. Во рамките на оваа соработка, планирани се организирање на бизнис делегации и директни средби со потенцијални партнери во странство, подготвка на современи промотивни материјали, како и активности за отворање претставништва на македонски ИКТ компании на стратешки пазари. Дополнително, ќе се развиваат иницијативи за трансфер на знаење и технологии кои ќе придонесат кон подигнување на капацитетите на домашните компании. Претседателот на МАСИТ, г. Јордан Димитровски, напомена дека Комората стратешки се насочува кон долгорочна поддршка и меѓународен пробив на компаниите од оваа индустрија, со јасна цел да создаде услови за одржлив раст и излез на нови пазари преку партнерства и стратешки иницијативи. Министерот за надворешни работи, г. Тимчо Муцунски, потенцираше дека Министерството целосно стои на располагање за реализација на сите идни активности и иницијативи кои ќе овозможат унапредување на конкурентноста на македонските ИКТ компании и нивно поефикасно позиционирање на глобалниот пазар. Преку ова партнерство, МАСИТ ја зајакнува својата улога како активен партнер и поддржувач на компаниите членки во процесот на нивна интернационализација и активен придонес кон посилно позиционирање на Република Северна Македонија на светската ИКТ мапа.
07. 07. 2025г.
Средба со Министерот за дигитална трансформација
Поставени заеднички приоритети Управниот одбор на МАСИТ реализираше продуктивна средба со Министерот за дигитална трансформација, г. Стефан Андоновски. Средбата беше одлична можност за продлабочување на соработката помеѓу министерството и комората,
22. 06. 2025г.
МАСИТ одржа стручна работилница на тема „ИКТ, Регулатива и Човечки Капитал“
Во организација на Стопанската комора за информатички и комуникациски технологии – МАСИТ, на 28 мај се одржа специјализирана работна средба на тема „ИКТ, Регулатива и Човечки Капитал“, со фокус на клучните предизвици со кои се соочува ИКТ секторот во однос на регулативата, човечкиот капитал и технолошките промени.
30. 05. 2025г.
