Се реализираше вториот ден од 19-тата годишна конференција на МАСИТ На 30ти октомври 2024 го реализиравме вториот настан во рамки на Годишната Конференција на МАСИТ, во чиј фокус беше примената на најновите технологии во здравството. Настанот привлече над 250 гости, меѓу кои бројни експерти од ИКТ индустријата, здравствениот сектор, доктори, хирурзи, фармацевти и претставници од различни сектори. Поздравни обраќања за почеток имаа г-н Илија Господинов, претседател на Управниот одбор на МАСИТ, и г-н Јован Најденовски од Адвокатската канцеларија Најденовски, кој воедно беше и ко-организатор на вториот ден од конференцијата. Имавме огромна чест да го слушнеме излагањето на нашиот почесен гостин, г-н Сем Аталах, професор по хирургија на Медицинскиот факултет при Универзитетот на Централна Флорида (Орландо, Флорида, САД), директор на Колоректална хирургија во HCA Oviedo Medical Center и заменик-претседател на Одделот за колоректална хирургија при AdventHealth (Орландо). Следеше презентација од страна на г. Огнен Плавевски, Директор за технологии и ко-основач во 3DLoom и д-р Стефан Арсенков, специјалист по абдоминална хирургија, ко-основач и медицински директор на 3DLoom, кои дадоа осврт за нивната работа и улогата на вештачката интелигенција и 3D печатењето во хируршката пракса. Тие понудија длабински преглед на тоа како вештачката интелигенција и 3D печатењето ја трансформираат медицинската слика во прилагодени хируршки алатки, специфични ортози и детални анатомски реплики за унапредување на грижата за пациентите и нивно поефикасно заздравување. Следната презентација ни ја донесе д-р Анела Тосевска, биоинформатички научник на Медицинскиот универзитет во Виена, со излагање на тема ‘Од код до лек: Како вештачката интелигенција ја револуционизира генетиката за персонализирана медицина’. Како почесен гостин говорник, таа ни покажа како AI технологиите го менуваат пристапот кон генетиката, овозможувајќи прецизен и прилагоден третман за секој пациент. Во продолжение, имавме чест да слушнеме од проф. д-р Маја Симоноска Црцаревска, редовен професор и раководител на Институтот за фармацевтска технологија при Фармацевтскиот факултет, УКИМ – Скопје, проф. д-р Зорица Наумовска, вонреден професор и раководител на Националниот фармакоинформативен центар (НФИЦ) при Институтот за фармацевтска хемија, и асистент Евгенија Михајловска, специјалист по клиничка фармација од истиот Институт. Нивната тема ‘Употребата на ВИ во истражување, развој и производство на лекови, користење на big data анализи за ефектите и примената на лековите и развој на персонализирани терапии’ ни донесе динамична дискусија која ни ги откри најновите трендови и иновации од овој напреден домен на медицината и фармацијата. Понатаму, продолживме со презентацијата од страна на доц. д-р Горан Спиров, специјалист по радиологија и нуклеарна медицина, и м-р Сашо Николовски, специјалист по медицинска нуклеарна физика, професионалци од Универзитетскиот институт за позитронско-емисиона томографија – ПЕТ Центар. Темата на која ни говореа беше Радиомици во ПЕТ/ЦТ: моќта на медицинските слики и се фокусираше на тоа како радиомиката го отклучува потенцијалот на ПЕТ/ЦТ технологијата за подобро разбирање и прецизно дијагностицирање во медицината. Следно на конференцијата, имавме прилика да го слушнеме проф. д-р Анис Сефиданис, професор на Факултетот за машинска интелигенција и роботика при Универзитетот за информатички науки и технологии ‘Св. Апостол Павле’ – Охрид, и основач на Центарот за истражување и развој на експоненцијални технологии ‘СЕФИДАНИС’. Неговото излагање на тема ‘Вештачка интелигенција и трансхуманизам: Како да го редефинираме човечкиот потенцијал?’ нè натера да размислуваме за иднината на технологијата и нејзината интеракција со човечките способности. На тема Вештачка интелигенција во стоматологијата – иднината на протетиката, хируршките зафати и превентивната грижа, ги проследивме врвните доктори од оваа област во нашата земја. Д-р Александар Илиев, специјалист по максилофацијална хирургија, ни откри како се применуваат современите технологии за 3D визуелизација и печатење во краниофацијалната хирургија, што отвори нови перспективи за подобрување на хируршките процедури и пациентската грижа. Доц. д-р Елена Петрова, специјалист ортодонт на Клиниката за ортодонција и едукатор на специјализантите од УКИМ и УГД, која говореше на тема Улогата на вештачката интелигенција во современата ортодонтска пракса, истакнувајќи како AI технологиите го трансформираат пристапот кон дијагностика и третман во ортодонцијата. Продолживме со уште една продуктивна панел дискусија на тема ИКТ и ВИ – моментални технологии и трендови за развој, достапни алатки и иновативни решенија за иднината. Фокусот на оваа дискусија беше на најновите иновации и практики во ИКТ индустријата поврзана со здравствениот сектор, а учествуваа д-р Стојан Николиќ, MSc, бизнис развоен консултант и ко-основач на Модерм, агенција за здравствен маркетинг, г. Марјан Николовски, основач и извршен директор на EMIT Knowledge, г. Синиша Јовиќ, биомедицински инженер од Proxiad SEE и г. Томче Делев, главен софтверски инженер и раководител на развој во Sorsix. Кон крајот на овој продуктивен ден, имавме чест да ја слушнеме г-а Александра Манолчева од EIT Community RIS Hub, која одржа презентација на тема ‘HealthTech глобални трендови и EIT Health можности за македонскиот екосистем’. Во своето излагање, г-а Манолчева ја истакна важноста на глобалните трендови во здравствената технологија и како тие влијаат на развојот на локалниот сектор. Таа ги презентираше можностите што EIT Health ги нуди за македонските претпријатија и иноватори, вклучувајќи поддршка за стартапи и иницијативи за истражување и развој. Презентацијата беше инспиративна и предизвика голем интерес меѓу учесниците, укажувајќи на потенцијалот за унапредување на здравствениот екосистем во нашата земја. МАСИТ и Адвокатската Канцеларија Најденовски, упатуваат огромна благодарност до сите поддржувачи, спонзори и патрон партнери на комората. Благодарение на нивната поддршка, конференцијата не само што беше успешна, туку и исполнета со значајни дискусии, нови идеи и партнерства кои ќе придонесат за развојот на нашата индустрија. Галеријата со фотографии од вториот ден на конференцијата, може да ја пронајдете на нашата Фејзбук страна во албумот, достапен на следниот линк.

Во два дена, разговаравме за вештачката интелигенција наспроти работната сила, како и нејзината примена во здравството На 29 и 30 октомври 2024 година, Стопанската комора за информатички и комуникациски технологии МАСИТ, ја реализираше својата традиционална годишна конференција по 19-ти пат. Два дена исполнети со врвни говорници, панелисти, дискусии, публика од различни сфери и многу вмрежување. 29.10.2024 – „Вештачката интелигенција наспроти работната сила – преку адаптација до иновација“ Првиот ден од конференцијата, 29 октомври, беше посветен на контроверзното прашање за балансот помеѓу вештачката интелигенција (ВИ) и традиционалната работна сила. Во серија панел дискусии и презентации, присутните имаа можност да слушнат искуства и видувања од реномирани предавачи и панелисти од различни индустрии. Темите вклучуваа примена на ВИ во бизнисот, работните позиции кои најмногу се под влијание на автоматизацијата, како и начините на кои компаниите, менаџерите и вработените можат да се адаптираат и да ја искористат ВИ како алатка за иновации. Конференцијата беше отворена од страна на Претседателката на Собранието на МАСИТ, г-а Анета Пешева, Министерот за дигитална трансформација, г-н Стефан Андоновски и Директорот на канцеларијата за економски раст на УСАИД, г-н Тимоти Онг. Компанијата Вектор 8 беше еден од официјалните поддржувачи на првиот ден и овозможи да слушнеме врвни професионалци како главни почесни говорници. Кристоф Томен и Кетрин Ф. Симон ја акцентираа соработката помеѓу луѓето и машините, едукацијата на талентите и нивната адаптација како клучни поенти за ефективна примена на вештачката интелигенција. Првата панел сесија на конференцијата беше посветена на јавно-приватниот дијалот. Имавме значајни говорници кои привлекоа големо внимание во оваа дискусија што ја предводеше г-а Весна Иваноска, директор на Qinshift Academy и заменик претседател на Управниот одбор на МАСИТ. На панелот учествуваа проф. д-р Весна Јаневска, министер за образование и наука, г. Радослав Настасијевиќ Варџиски, заменик министер за дигитална трансформација, г. Илија Господинов, претседател на Управниот одбор на МАСИТ и г. Небојша Мојсоски, директор на активноста на USAID за млади кои активно создаваат можности – Youth Actively Create Opportunities (YACO), а имавме можност да ги слушнеме како заедно ги разгледуваат можностите за унапредување на механизмите со кои се создаваат вредности за општеството преку вакви партнерства. Проф. д-р Анис Сефиданис, познат иноватор и креатор на првиот хуманоиден робот во регионот, остави голем впечаток на присутните гости со својата презентација. Исто така, на панел сесијата: „ВИ: закана или можност за работните места?“ која ја водеше г-а Дина Ивановиќ, Site and Recruitment Lead од Proxiad SEE, разговаравме за тоа – кои предности вештачката интелигенција ги создава на пазарот на труд и кои работни позиции се најмногу изложени на ризик? Професионалци од областа дадоа одговор и за тоа кои вештини се препорачува да бидат насока за идните студенти и кои алатки во мометнот најмногу се користат и во ИТ компаниите. На оваа сесија, слушнавме претставници од овогодинешните сребрени спонзори, и тоа: Г-а Верица Јакимовска, магистер по менаџмент на човечки ресурси, специјализирана за нови стратегии за работа со човечки ресурси, координатор на платформата за вработување www.esi.mk, иницијатор и раководител на ESI, Г-а Елена Димовска, магистер и Microsoft Certified Trainer и Certnexus Authorized Instructor, која работи во Семос Едукација. Г-н Симон Петков, магистер по информатички науки и главен системски архитект во Scalefocus. Едукацијата беше една од темите која се провлекуваше во текот на целиот конференциски ден. Токму на темата за премостување на јазот во вештини – обучување на работната сила на иднината, имавме експертски панел со искусни еминентни говорници: Г. Никола Живков, раководител за развој во Qinshift, Д-р Игор Трајковски, основач на Time.mk, професор и истражувач, Д-р Миодраг Цекиќ, водечки технички консултант за CSE/R&D во IWConnect. Сесија беше под покровителство на овогодинешниот златен спонзор на конференцијата- Qinshift Academy. На конференцијата се реализираше дискусија на уште една многу значајна тема: „Управување засилено со вештачка интелигенција – Редефинирање на менаџерските улоги“. Оваа панел сесија ја водеше г.Дамјан Манчевски, Директор за стратешки клиенти и генерален менаџер за Балканот во MAK-SYSTEM International Group. На панелот учествуваа: М-р Софче Јовановска, генерален менаџер на Скеилфокус, Г. Горан Петревски, директор на продажба во АСЕЕ Групација, Г. Филип Петровски, CEO и Data Architect во Data Masters. Имавме можност да слушнеме плодна дискусија за менаџерскиот аспект на вештачката интелигенција, со посебен акцент на редефинирањето на менаџерските улоги во контекст на модерните технологии. Панелистите разговараа како вештачката интелигенција може да ги промени традиционалните менаџерски практики, да ја подобри ефикасноста на одлуките и да овозможи иновативни пристапи во управувањето на тимовите и ресурсите. Дискусијата вклучуваше примери од практиката, анализирајќи предностите и предизвиците кои произлегуваат од интеграцијата на вештачката интелигенција во менаџментот. Учесниците активно споделуваа идеи за тоа како технологијата може да влијае на идниот развој на управувањето и на новите стратегии во менаџментот. Дискусијата особено динамична и корисна за сите присутни. Практичен удел на експертиза и знаење, како и регионална перспектива и употреба на вештачката интелигенција во агробизнисот и туризмот беше во фокусот на панелот „Иновации водени од вештачката интелигенција – поместување натрадиционалните бизнис модели“, модериран од г. Горан Дамовски, Тим лидер на Швајцарската Програма за зголемување на пазарната вработливост, која го овозможи овој регионален преглед. Водечкиот Институт за истражување и развој за информатички технологии на биосистемите и пионер во дигиталната трансформација на земјоделството, BioSense Србија, претставен од г-а Милица Трајковиќ, раководител на Одделот за иновации и развој на бизнисот, ја истакна имплементацијата на системот за идентификација на земјишни парцели LPIS во Србија. г-а Трајковиќ истакна дека „Со собирање на теренски податоци и користење на вештачка интелигенција со 99% прецизност за LPIS, Србија има референтна база на податоци за своите земјоделски парцели. На овој начин може да се лоцира целото подобно земјоделско земјиште содржано во референтните парцели и лесно да се пресмета максималната подобна површина“ Г-н Милан Баниќ, вонреден професор на Машинскиот универзитет во Ниш, го претстави AgAR – земјоделски автономен робот. Опремен со софтвер за далечинско управување, предефинирано движење на патеката и автономна навигација со сензори за избегнување пречки, AgAR е идеално земјоделско помагало. „Роботот AgAR базиран на вештачка интелигенција е проект помеѓу ИКТ компанија и технички факултет. Ова е одличен модел кој покажува како академијата и индустријата можат ефективно да соработуваат.“ Г-н Баниќ нагласи дека АГАР има за цел да го зголеми земјоделското производство и да ги намали оперативните трошоци, таргетирајќи ги средните и поголемите производители. Сепак, тој го истакна предизвикот да се убедат земјоделците да прифатат нови технологии. г-н Срѓан Крчо, извршен директор на DunavNET, говореше за

Со голема чест и задоволство би сакале да ви ја најавиме традиционалната, годишна конференција на МАСИТ, која оваа година се одржува по 19-ти пат. Очекувајте висококвалитетна програма исполнета со бројни истакнати говорници кои преку клучни предавања, панел дискусии и презентации ќе ги пренесат своите експертски знаења и искуства од областа на вештачката интелигенција (AI).  Оваа година, во два дена ќе ги здружиме повторно сите клучни засегнати страни и ќе имаме можност да дискутираме и научиме повеќе за трендовите кои го движат светот напред, да дознаеме до каде е Македонија на тој пат и кои се следните чекори кои треба да се превземат за да не доцниме зад останатите земји. Побрзајте и нарачајте ги Вашите билети по специјала Early bird цена, преку веб страната на конференцијата: www.masitconference.mk каде може да ја разгледате програмата, говорниците и можностите за Ваше вклучување. 29.10.2024 – „Вештачката интелигенција наспроти работната сила – преку адаптација до иновација“ –  официјален ден на годишната конференција на МАСИТ и 30.10.2024 – „Практична примена на вештачката интелигенција во медицина, фармација и стоматологија“ – во соработка со Адвокатска Канцеларија Најденовски, ко-организатор на настанот за вториот ден. 📍 хотел АЛЕКСАНДАР ПАЛАС Се надеваме дека ќе уживате во програмата на овогодишната конференција!

Со задоволство соопштуваме дека ХАЛКБАНК АД Скопје официјално се придружи како нов патрон партнер на Стопанската комора за информатички и комуникациски технологии МАСИТ. Оваа соработка е резултат на веќе воспоставените деловни релации и нашата заедничка визија за поддршка и развој на ИКТ секторот во земјата.Денес (17.10.2024), во просториите на ХАЛКБАНК АД Скопје, се одржа и официјална средба на која претседателот на Управниот одбор на МАСИТ, г-дин Илија Господинов, се сретна со генералниот директор на Халкбанк АД Скопје, Д-р Билал Суџубаши. На состанокот разговаравме за идните чекори и иницијативи што ги предвидуваме како дел од ова значајно партнерство.Ние веруваме дека со зацврстувањето на ова партнерство ќе придонесеме кон дополнителен раст и унапредување на ИКТ индустријата во државата.

Со голема чест Ви соопштуваме дека осигурителната компанија Триглав Осигурување Живот АД Скопје која е дел од водечката осигурително – финансиска групација во Југоисточна Европа – групацијата Триглав, е нов патрон партнер на Стопанската комора за информатички и комуникациски технологии МАСИТ. Во рамки на оваа соработка, Триглав Осигурување Живот АД Скопје ќе овозможи специјално дизајнирани пакети за менаџерско осигурување на живот наменети за компаниите членки на МАСИТ, со кои ќе овозможи зајакнување на припадноста на клучните кадри, со истовремена врвна осигурителна заштита и покритие. Специјалните пакети за осигурување на Триглав Осигурување Живот АД Скопје наменети за членките на МАСИТ претставуваат одлична алатка за: Зголемување на лојалноста и задоволството на клучните кадри на компаниите членки; Стимулирање на лојалност преку интегрирање на полисите за осигурување како начин за наградување и задржување на квалитетните и компетентни човечки ресурси; Дефинирање на различни пакети и поволности за различни позиции согласно хиерархија. Препознатливоста на брендот Триглав зборува за високиот квалитет на осигурителните услуги кои повеќе од 120 години ги следат европските трендови, а сега се достапни да одговорат на потребите на компаниите члени на МАСИТ.   Искористете ја ексклузивната можност да се запознаете со специјалните пакети за менаџерско осигурување на Триглав Осигурување Живот АД Скопје со посета на нивниот штанд на претстојната Годишна конференција на МАСИТ. Од сега, во партнерство со Триглав Осигурување Живот АД Скопје, ќе делуваме заедно на поттикнување на растот и развојот на ИКТ бизнис опкружувањето. Нашата цел е да овозможиме иновативни решенија и да ги унапредиме бенефициите на компаниите од овој динамичен сектор. Со споделување на знаења и ресурси, оваа соработка не само што ќе ги зајакне нашите компании, туку и ќе создаде нови можности за сите учесници во ИКТ екосистемот.

Со радост и голем ентузијазам, МАСИТ се вклучува како поддржувач на IT4Charity 2024, иницијативата која по шести пат ја обединува нашата заедница во Македонија, со цел прибирање средства за децата без родителска грижа и родителите од згрижувачките семејства, поддржани од СОС Детско село. Годинашниот концепт ја задржува познатата хуманитарна трка на која трчаат тимовите на компаниите кои донираат и додава уште еден еколошки момент, рециклирање. Имено, оваа година со помош на апликација на Пакомак, тимовите на компаниите имааат можност да рециклираат пластични шишиња и лименки во вендинг машините на Пакомак, и собираните зелени поени да ги донираат за СОС Детско село. А Пакомак, пак, таа донација ќе ја удвои. „Се обидовме да направиме спој на две општествено важни каузи, социјалната која значи поддршка на децата од загрижувачките семејства интегрирани во локалната заедница, но и еколошката, како неопходна во времето во кое живееме. Ние се грижиме за децата да имаат стабилна и сигурна иднина, но не помалку е битно и каков свет ќе им оставиме, па затоа преку еколошката компонента сакаме да пратиме порака за поголема еко свест нагласувајќи дека здравата животна средина е одговорност на сите нас.“ велат од СОС Детско село. Главниот настан годинава ќе се случува на 15 септември, во Градски Парк Скопје, а сите собрани средства ќе се наменат за професионална поддршка на над 70 згрижувачки семејства интегрирани во локалната заедница кои згрижуваат над 140 деца без родителска грижа. Ова претставува уникатна можност за компаниите членки на МАСИТ и нивните вработени, како едни од општествено најодговорните, да се вклучат во хуманитарни активности, истовремено промовирајќи здрав животен стил, но и еколошка свест. IT4Charity 2024 е одлична можност за компаниите, не само да ја покажат својата општествена одговорност, туку и да ја зајакнат корпоративната култура преку тимска кохезија и заеднички активности. За повеќе информации и пријавување учество, посетете ја веб страница на СОС Детско село https://sos.org.mk/it4charity/. Заедно можеме да направиме разлика!

МАСИТ во соработка со PricewaterhouseCoopers (PwC), ексклузивно организира Meet up на тема: „Правилник за начинот на водење сметководство во коj се објавени Меѓународните стандарди за финансиско известување и меѓународните стандарди за финансиско известување за мали и средни субјекти“.Овој правилник е донесен на 3ти април 2024 година од страна на Министерството за финансии. Применaта на објавените МСФИ е предвиденo да почне од 1 јануари 2025 година, додека МСФИ 17 „Договори за осигурување” ќе отпочне да се применува од 1 јануари 2028 година. Подготовката за нивна имплементација мора да започне веднаш од страна на сите компании, а посебен фокус за ИКТ компаниите се очекува во врска со МСФИ 9 „Финансиски инструменти”, МСФИ 15 „Приходи од договори со купувачи”, МСФИ 16 „Лизинг”. Воведувањето на овој правилник е нешто што долго време се чекаше и при неговата имплементација треба да се направи детална анализа за македонските бизниси да бидат сигурни во правилната примена на правилникот.  Повеќе за концепциската рамка за финансиско известување, со општи насоки на што треба да внимаваат компаниите кои работат во ИКТ секторот ќе ни откријат: 🔹 Александра Кузмановска, сениор менаџер за ревизија и својата прoфесионална кариера во PwC ја започнува уште во 2005 година. Искуството на Александра вклучува ревизии на клиенти од различни индустрии, бројни обуки и тренинзи како и најзначајната трансформација на ревизијата со воспоставувањето на Центарот за компетенции (Competency Center) во PwC канцелариjата во Скопjе. 🔹 Евгенија Каркинска Лазаровска, сениор менаџер во одделот за ревизија. Во нејзината 17 годишна професионална кариера има стекнато значително искуство и знаење за меѓународните сметководствени стнадарди и нивната примена. Покрај водење на ревизии на клиенти од различни индустрии, таа е активен член на PwC академијата како и дел од тимот посветен на советодавни услуги од областа на МСФИ. 📅  Настанот ќе се одржи на 16ти мај (четврток) 2024 година. 📍 Локациjaта: ул. Орце Николов 146 б (мапа). Програма ✍ Се покануваат компаниите кои имаат интерес да бидат дел од настанот, да го пријават своето учество со пополнување на следната форма, најдоцна до 14ти мај (вторник) 2024. Цена за учество:– 1500 ден + ДДВ – по учесник од компанија за членки на МАСИТ– 3000 ден + ДДВ – по учесник за компании кои не се членки на МАСИТ

26 април – Светски ден на заштита на правата од индустриска сопственост Светскиот ден на првата од индустриска сопственост на глобално ниво се одбележува секоја година на 26 април. Македонските ИКТ компаниите јасно ја гледаат користа и големото значење токму во овој сектор, каде иновацијата и креативноста се клуч за успехот. Стопанската комора за информатички и комуникациски технологии МАСИТ, со поддршка од Швајцарската програма за зголемување на пазарната вработливост – ИМЕ, веќе активно ги спроведува проектните активности во рамки на проектот за „Подигнување на свеста за потребата од заштита на правата од индустриска сопственост и воспоставување на иницијална правна помош во комората“. Во рамки на проектот, компаниите имаа прилика да се запознаат со суштинското значење и придобивките од спроведување на заштита на индустриската сопственост, при што краен исход е новата услуга во Комората кон компаниите членки на МАСИТ за постојана правна помош за заштита на интелектуалната и индустриската сопственост. Со цел соодветна едукација на своите членови, на ова претходеа неколку едукативни работилници со македонски и регионални експерти во областа, како Јован Најденовски, Предраг Видаковиќ и други. Оваа иницијатива им овозможи на компаниите да се запознаат со значењето и придобивките од заштита на правата од индустриска сопственост, при што беа презентирани успешни искуства и добри практики. Во рамки на проектот, пет компании веќе поминаа низ процесот со поддршка на МАСИТ и Швајцарската Програма ИМЕ. Поради брзото напредување на технологијата и глобализацијата, заштитата на правата од индустриска сопственост станува сè повеќе предизвикувачка. Затоа, компаниите во ИКТ секторот треба да имаат стратегии и механизми за заштита на своите интелектуални права, вклучувајќи ги патентите, заштитните знаци, авторските права и други форми на заштита. Важно е да се истакне денешниот ден, 26 април кој е посветен токму на подигнување на свеста за значењето на интелектуалната сопственост и заштитата на правата на иноваторите и креаторите. Индустриската сопственост вклучува различни аспекти како патенти, заштитни знаци, авторски права и заштита на индустриски дизајни. Овие права им овозможуваат на иноваторите и креаторите да заштитат своите идеи, иновации и креативни дела од нелегална употреба и присвојување. Во таа насока интересно да се напомене е дека на една од едукативните работилници присуствуваа и претставници на Formula Student Macedonia – македонските студенти кои конструираат F1 болид за меѓународниот натпревар на конструктори, со цел соодветно да се информираат. Заштитата на интелектуалните права им нуди на компаниите многу предности, вклучувајќи конкурентска предност, вредност на брендот, можност за заработка, поттикнување на иновации и сигурност на инвестициите. На овој начин не само што директно се заштитуваат компаниите, туку и се поддржува иновацијата и креативноста во ИКТ секторот, што допринесува кон позитивни ефекти врз целиот еко-систем. МАСИТ и понатаму ќе продолжи во рамки на своите активности да ги поддржува компаниите во процесот на заштитување на нивните права, а со тоа и понатаму во својата мисија за да ги  промовира и застапува бизнис интересите на ИКТ компаниите сѐ со цел унапредување и развој на ИКТ индустријата и бизнис опкружувањето.

На 29.03.2024 се одржа осумнаесеттото Годишно Собрание на Стопанската комора за информатички и комуникациски технологии МАСИТ. Собранието е највисок орган на комората и го сочинуваат сите компании членки на МАСИТ. За време на седницата на собранието на МАСИТ, присутните беа информирани детално во врска со активностите кои комората ги реализираше во изминатата 2023 година. Исто така, Собранието ги усвои и идните планови и активности на комората за претстојната 2024 година. Им благодариме на сите компании членки за активното учество и придонес во работата на комората и продолжуваме заеднички да работиме во насока на поддршка на растот и развојот на ИКТ секторот. Целиот албум со фотографии од 18-тото Годишно Собрание може да го погледнете на нашата Facebook страница.

Вештачката интелигенција повеќе не е идеја од научнофантастичната литература. Таа веќе е дел од секојдневниот живот. Како пионери во афирмирањето на важноста за обликувањето на иднината, заедно со Адвокатската Канцеларија Најденовски, на 15ти март 2024 година го реализиравме Премиерниот настан: #AI42024, како follow up на претходно реализирани работилници на оваа тема. Сакаме да изразиме огромна благодарност до сите гости, почесни спикери и панелисти, до сите спонзори и поддржувачи на настанот и до учесниците кои успеаја да си ги обезбедат своите места на време. Ветуваме дека нема да застанеме тука, интересот е голем и ќе продолжиме да работиме на оваа тема, уште помотивирани заедно со вас, се’ со една цел – да останеме во чекор со промените кои настануваат. To AI or not to AI? – That is not a question anymore. Погледнете го албумот со фотографии од настанот на нашата Facebook страница.