МАСИТ и Фондација Ѓорѓи Марјановиќ МАСИТ и Фондацијата Ѓорѓи Марјановиќ со заедничка благородна мисија потпишаа меморандум за соработка. Меморандумот предвидува двете страни заеднички да ги насочат своите заложби кон трансформирањето на Македонија во просперитетно и пристојно место за живеење, со посебен фокус на децата без родители. Првата активност со која ќе започне соработката ќе биде промоција на Фондот за школување пред членовите на комората кој на децата без родители ќе им обезбедува компјутери, курсеви за англиски јазик, обуки за компјутерски вештини, подготовка за вработување и реализирање 1-на-1 менторска програма за деца без родители. Менторите на децата без родители ќе им обезбедат емоционална поддршка, образовна помош, ќе ја поттикнуваат социјалната инклузија, ќе им помогнат во негување животни вештини, и всадување самодоверба. Mенторската програма ќе ја изведуваат успешни македонски претприемачи и искусни професионалци од hi-tech индустријата кои ќе го споделат своето животно и професионално искуство со децата и ќе се обидат не само да ги инспирираат туку и да ги поттикнат на дејство, давајќи им при тоа клучни насоки за ориентација и ќе им пружат поддршка во нивната кариера. На средбата по повод потпишувањето на меморандумот за соработка, претседателот на Управниот одбор на МАСИТ, Илија Господинов изјави: „Веруваме во важноста на образованието, филантропијата и општествената одговорност и сме сигурни дека со заедничките напори можеме да направиме разлика во животите на многу деца.“ „Македонија може да стане пристојно место за живеење, особено за децата без родители со обедување на луѓе и организации кои поддржуваат вакви цели и вредности. Токму таков партнер пронајдовме во МАСИТ.“ –изјави извршниот директор на фондацијата, Александар Марјановиќ по потпишувањето на меморандумот. Следуваат бројни активности во рамки на оваа соработка.

Ве информираме дека на 29.03.2022 (петок), со почеток во 12:00 часот во М6 Едукативен Центар ќе биде одржано осумнаесеттото Годишно Собрание на Стопанската комора за информатички и комуникациски технологии МАСИТ Скопје. Собранието на Комората е највисок орган и него го сочинуваат сите членови. Членовите на Комората МАСИТ за заедничките работи одлучуваат на Собрание на Комората МАСИТ кое седница одржува еднаш годишно.  Пропратните документи ќе бидат соодветно проследени до членовите на МАСИТ 10 дена пред одржувањето на Собранието. *Напомена: Очекуваме потврда за присуство на еден претставник од секоја компанија членка. Потребна е задолжителна потврда за учество на следната мејл адреса: petar.lazovski@masit.org.mk. Доколку на седницата не дојде Управителот/Директорот на компанијата, претставникот на Друштвото треба да донесе полномошно за гласање и учество на Собраниетo. По официјалниот дел на Собранието ќе следи неформален дел – коктел дружење и вмрежување на компаниите членки на МАСИТ и останатите гости.

„Подигнување на свеста за потреба од заштита на правата од индустриска сопственост“ – 28.02.2024 Со задоволство би сакале да ве информираме дека МАСИТ во рамки на проектот „Подигнување на свеста за потреба од заштита на правата од индустриска сопственост и воспоставување на иницијална правна помош во комората“, поддржан од страна на Швајцарската програма за зголемување на пазарната вработливост – ИМЕ ќе ја одржи третата и последна едукативна работилница на која детално и систематски од страна на домашен и интернационален експерт во областа ќе бидат елаборирани сите предизвици, начини и делеми поврзани со прашањата – кој, кога, зошто, што, каде + како и колку за правилно спроведување на заштита на индустриската сопственост. Преку оваа работилница ќе овозможиме одблизу ИКТ компаниите да се запознаат со суштинското значење и придобивките од спроведување на заштита на индустриската сопственост, со намера позитивно да влијаеме во донесувањето разумни одлуки преку континуирано работење на подигање на свеста и помош во деловно работење на самите компании. Модератор на настанот и свое излагање и презентација ќе има адвокат г-дин Јован Најденовски кој има професионален фокус и вештини во корпоративно право, закони поврзани со ИКТ индустријата и експерт во областа на заштита на правата од индустриска сопственост, а исто така овој пат ја збогатуваме агендата на работилницата со присуство на адвокат г-дин Предраг Видаковиќ од Република Србија кој е основач на адвокатската канцеларија Видаковиќ од Белград, експерт во областа на заштита на правата од индустриска сопственост, преку кој ќе имаме можност повеќе да слушнеме за имплементацијата и начините на заштита на правата од индустриска сопственост во соседна Република Србија и пошироко. Работилницата ќе се одржи на 28.02.2024 година од 10:00 до 12:00 часот во просториите на нашите патрон партнери Property Оne office furniture (Бул. 8-ми Септември 3, станбено-деловен комплекс Настел Тафталиџе) Цена за учество: 1000 МКД + 18% ДДВ по учесник за членки на МАСИТ 1500 МКД + 18% ДДВ за двајца учесници од иста компанија членка на МАСИТ Регистрацијата е достапна на следниот ЛИНК.По успешна регистрација ќе добиете мејл за потврда и про-фактура која треба да биде платена најдоцна до почетокот на настанот. Ве очекуваме!

Имплементатор на проектот: Стопанска комора за информатички и комуникациски технологии – МАСИТ Финансиран од: Швајцарската програма за зголемување на пазарната вработливост – ИМЕ Иновациите и примените на напредни и иновативни технологии, знаења и вештини и технолошки процеси секогаш се клучот за успех во секоја компанија и претставуваат извор на силен и одржлив раст. Следењето на трендовите на технолошки развој во ИКТ индустријата нераздвојно значат можност и потреба за развивање на нови технолошки, научни и општи ИКТ доктринарни знаења, решенија и генерирање продукти. Оттука, многу често свесно и со намера, а понекогаш и нужно како дел од процесот на интелектуален ангажман се изнедруваат посебни интелектуални творби кои имаат свој идентитет. Заштита на правата на индустриска сопственост е инструмент кој има голема улога во секоја индустрија, а заради претходно кажаното во ИКТ индустријата особено. Следствено, овие творби и/или продукти се квалификувани за заштита, локално и/или меѓународно. Парадоксално, но наспроти иновативиот, умствениот и работниот капацитет од другата страна постои делумно непознавање и несигурнст во потребата и опциите за заштита на моралните и материјалните интелектуални права. Ова се однесува и во делот на превенирање на недопуштено однесување на трети лица кон нечија интелектуална сопственост и во однос на генерирањето на активни и пасивни приходи од интелектуалната сопственост. Македонските компании не се доволно свесни за практичната примена за заштита на правата на индустриска сопственост, но се свесни дека е од клучно значење за подигање на конкурентноста за раст и развој на своите компании. ОПИС НА ПРЕДМЕТОТ НА ЈАВНИОТ ПОВИК,Овој јавен повик се однесува за избор на 5 (пет) микро, мали и средни претпријатија (ММСПа) и стартапи кои ќе ја добијат соодветна прaвна помош, насочување и поддршка за имплементација на заштита на одредено право од индустриска сопственост преку покривање на 80% од трошоците од страна на проектот поддржан од Швајцарската програма за зголемување на пазарната вработливост – ИМЕ, но не повеќе од 25.000 денари по компанија, а останатиот дел од 20% треба да бидат финансиски контрибуирани од страна на компанијата.Повикот се однесува на микро, мали и средни претпријатија и стартапи кои работат во доменот на ИКТ индустријата. ШТО ДОБИВААТ КОМПАНИИТЕ? Поддршка од страна на експерт во областа за заштита од правата на индустриска сопственост Запознавање со видовите на права, потребата и можноста за нивна заштита Појаснување на материјалните придобивки од заштитата односно комерцијалното ефектуирање и можност за пасивен приход  Oтварање на прашања кои се поврзани со интелктуалната и индустриската сопственост во комбинација со авторски права како резултат на најновите трендови во ИТ, особено вештачката интелегенција и роботиката. ШТО МОЖЕ ДА БИДЕ ПРЕДМЕТ НА ЗАШТИТА? Патент Трговска марка Трговско име Име на домен Авторско право Изборот на претпријатијата ќе се врши врз основа на долунаведените критеруми: Правниот субјект да е од ИКТ индустријата  Компанијата да спаѓа во рамките на микро, мали и средни претпријатија и стартапи Компанијата да е со седиште во Република Северна Македонија ПРАВО НА УЧЕСТВО НА ПОВИКОТНа повикот право на учество имаат сите микро, мали и средни претпријатија (ММСП) и стартапи од ИКТ индстријата во Република Северна Македонија кои немаат имплементирано и заштитено било какво право од индустриска сопственост. НАЧИН НА АПЛИЦИРАЊЕ И РОК ЗА ПОДНЕСУВАЊЕ НА ПРИЈАВИТЕПријавувањето за учество во повикот ќе се врши по принципот „прв дојден-прв услужен“ или до искористување на предвидената поддршка и пополнување на местата со доставување на пополнета пријава на следниот ЛИНК. Крајниот рок за доставување на пријавите е 15.02.2024 година до 14:00 часот. ДОПОЛНИТЕЛНИ ИНФОРМАЦИИДополнителните информации во врска со повикот може да се добијат на тел. +389 75 240 988 или на contact@masit.org.mk , секој работен ден од 09:00 до 17:00 часот. По завршување на рокот за изразување на интерес, компаниите кои изразиле интерес по принципот „прв дојден-прв услужен“ ќе бидат контактирани со цел комплетирање на потребната документација. Преку овој проект, сакаме да овозможиме одблизу ИКТ компаниите да се запознаат со суштинското значење и придобивките од спроведување на заштита на индустриската сопственост, со намера да позитивно да влијаеме во донесувањето разумни одлуки преку континуирано работење на подигање на свеста и помош во деловно работење на самите компании, со крајна цел воспоставување на нова услуга во Комората кон компаниите членки на МАСИТ за постојана правна помош за заштита на интелектуалната и индустриската сопственост.

На наше големо задоволство ве информираме дека МАСИТ отпочна со активности во рамки на новото патрон партнертво со Property One Group Office Furniture. Property One Group Office Furniture не е само компанија за мебел, тие се тим од архитекти на иновациите, посветени на трансформирање на секојдневните работни простори во живописни центри на креативност и продуктивност. Property One Group Office Furniture верува дека секој канцелариски простор има своја уникатна приказна која чека да биде раскажана. Преку персонализиран пристап со секој клиент, слушајќи ги внимателно неговите потреби, цели и аспирации, тесно соработуваат со своите клиенти, третирајќи го секој проект како партнерство, а не како трансакција. Тимот на визионери во Property One Group Office Furniture е специјализиран за создавање на прилагодени решенија кои го одразуваат етосот и идентитетот на секоја компанија. Од елегантни модуларни работни станици до ергономски седишта и интеграција на врвна технологија, нудат сеопфатен асортиман на производи и услуги за трансформација и подобрување на секое канцелариско опкружување. Како што самите велат: „Во Property One Group Office Furniture, задоволството на клиентите не е само цел; тоа е нашата движечка сила. Приоритет ни е отворената комуникација, транспарентноста и флексибилноста, осигурувајќи дека нашите клиенти се чувствуваат слушнати, ценети и поддржани на секој чекор од патот. Нашиот тим е посветен на совршеност, од почетниот концепт до конечната инсталација и резултат.“ Повеќе фотографии и информации за контакт со Property One Group Office Furniture, може да најдете на нивната веб страна на следниот линк. Со задоволство ви најавуваме дека следуваат низа активности во рамки на ова патрон партнерство, кои со нетрпение очекуваме да ги реализираме, а заедничка крајна цел ни е задоволството на компаниите членки на МАСИТ, кои ќе добијат дополнителен бенефит од ова патрон партнерство.

To AI or not to AI? That is the question. Со големо задоволство ви го најавуваме новиот и еднинствен настан во Македонија што го организира МАСИТ во партнерство со Адвокатска канцеларија Најденовски. Станува збор за Премиерен настан од премиум категорија, кој ќе се организира како продолжување на настаните кои ги реализиравме минатата година на тема „Вештачка Интелигенција“. На настанот ќе земат учество врвни професионалци и ексклузивни говорници, на можеби најтрендинг темата – врската и влијанието на вештачката интелигенција (AI) во конкретни индустрии и општествени појави, преку панел сесии и комерцијални презентации. Ова е одлична можност за вмрежување со докажани професионалци и компании од различни индустрии: ИКТ секторот, пазарот на труд и работна сила, здравство и медицина, дигитален маркетинг, металургија, банкарство и други индустрии. Погледнете ја целата програма на наменската страна и нарачајте ги вашите карти: www.masitconference.mk Специјална Early bird цена: 40 евра + ДДВ за една картаДве карти по компанија во рамки на Early bird: 69 евра + ДДВ Доколку имате интерес да ја промовирате вашата компанија во рамки на овој настан, слободно пишете ни за можностите за спонзорство на следните мејл адреси:  elena.petrushevska@masit.org.mk; advokat@najdenovski.com; Следете не’ и очекувајте повеќе информации наскоро. 📅 15.03.2024  📅 📍Локација: Рагуза 360

МАСИТ како водечки партнер, започна со спроведување на активности во рамки на проектот „Подигнување на свеста за потреба од заштита на правата од индустриска сопственост и воспоставување на иницијална правна помош во комората“, поддржан од страна на Швајцарската програма за зголемување на пазарната вработливост – ИМЕ. Со таа цел, одржавме еден промотивен настан на кој ги започнавме проектните активности и ја реализиравме првата од трите предвидени едукативни работилници за компаниите членки на МАСИТ. Целта на овој проект е преку низа активности, МАСИТ да им овозможи на компаниите кои се членки на Комората, соодветна едукација во поглед на придобивките од Intellectual Property Rights (IPR), согледување на најновите современи дилеми наспроти традиционалните поими, овозможување на практична помош и имплементација од страна на комората МАСИТ за заштита на интелектуални права за компании-членки на МАСИТ, преку иницијална прaвна помош и понатамошно насочување. МАСИТ во рамки на проектот, ја организира втората работилница која е бесплатна за компаниите членки на комората. Во рамки на овој проект, ќе бидат поддржани 5 компании членки за имплементирање на IPR. Подгответе се да го дознете „изворниот код“ на правата на интелектуална сопственост во сосема ново светло! Да се сретнеме за да позборуваме како да ги препознаеме интелектуалните права. Нема да цитираме сложени закони или прирачници. Овој настан е шанса да навлезете во интригантниот свет на ИС кај нас и во светот! ШТО? Кусо, енергично и интересно патување во суштината на креативната сопственост, а сепак доволно да го разгори вашиот ентузијазам и да ви ја поттикне имагинацијата! ЗОШТО? Бидејќи правата на интелектуална сопственост се пасош и билет за заработка. КОЈ? Сите љубопитни да ги отклучат тајните на ИС, пред се иновативните, креативните! КОГА? На 24ти Јануари 2024 година од 10:00 часот.Обележете ги вашите календари за овој иновативен настан. КАДЕ? Qinshift Academy (мапа) Пријавете се со пополнување на регистрациската форма на следниот линк. Ајде да ги дешифрираме и демистифицираме интелектуалните права. На нашиот настан ќе и кажете збогум на здодевноста. Ќе разберете кои се клучните 5W+2H во светот на Заштита на интелектуална сопственост и никогаш нема да си дозволите грешка. Ве очекуваме.

11.12.2023 На покана на претседателот на државата Стево Пендаровски, МАСИТ за своите компании членки и патрон партнери реализираше предновогодишно дружење и средба во вила Водно. Во рамки на овој настан, претседателот на Управниот одбор на МАСИТ, Илија Господинов ја истакна важноста на ИКТ индустријата како стратешка гранка за просперитет на македонската економија и уште еднаш ги потенцираше економските индикатори кои јасно го прикажуваат извонредниот раст и напредок на оваа индустријата. На оваа средба исто така беа презентирани и предлозите на МАСИТ за понатамошен развој на индустријата со цел подобро справување со предизвиците кои ги имаат ИКТ компаниите. Упатуваме голема благодарност до претседателот Пендаровски за соработката и одличниот прием на компаниите членки на МАСИТ, како и на сите присутни на овој настан. Презентација

Во соработка со Маранд Консултанти и со поддршка на Академијата на даночни советници, на 28ми ноември 2023 година, реализиравме meet-up за членките на МАСИТ, на тема: „Измени во Законот за ДДВ“ Заедно со клучните креатори, претставници од Министерството за финансии, членките ги дискутираа предизвиците и дилемите поврзани со последните измени на Законот за ДДВ кои директно задираат во клучни сегменти за ИКТ индустријата. Низ многу практични примери се отворија различни дискусии во врска со примената и применливоста, со осврт на новиот третман на оданочување на услугите, односно усогласувањето на компаниското работење со прописите. МАСИТ во оваа насока ќе продолжи со активности и заложби со цел подобрување на позицијата на ИКТ компаниите.

МАСИТ во соработка со Маранд Консултанти за компаниите членки на МАСИТ организира бесплатен четиричасовен meet-up на тема: „Измени во Закон за ДДВ со нов третман на оданочување на услугите“ кој ќе се одржи на 28ми ноември 2023 (вторник) од 10:00 до 14:00 часот, во просториите на Маранд Консултанти / Адванткодe. Со таа цел ги покануваме компаниите членки да се вклучат на оваа средба каде заедно ќе ги дискутираме предизвиците и дилемите поврзани со последните измени на Законот за ДДВ кои директно задираат во два клучни сегменти за ИКТ индустријата. Овој meet-up е наменет за сите заинтересирани вработени во компаниите, особено на позиции како сметководители, правници и HR професионалци во ИКТ друштвата. Целта е да се отворат, презентираат и разјаснат сите дилеми во врска со имплементацијата на Законот за ДДВ со осврт на новиот третман на оданочување на услугите, односно усогласувањето на компаниското работење со прописите. Настанот е поддржан од Академијата на даночни советници, а на истиот ќе имаме можност да разговараме и со клучните креатори односно претставници од Министерството за финансии и претставник од Маранд консултанти: Г-ѓа Маријана Андриќ, основач на Маранд Консултанти г-дин Дејан Николовски, Раководител на одделение за даночна политика од областа на индиректното оданочување од Министерство за финансии Г-ѓа Елена Стојмановска Тортевска – Советник за данокот на додадена вредност од Министерство за финансии Регистрирајте се на следниот линк. Местата се ограничени и ќе бидат пополнети на база прв регистриран – прв услужен.